Փորձագետների համոզմամբ` Պուտինը մտադիր է ռազմական ճանապարհով պահպանել Ռուսաստանի ինքնիշխանությունը և չեզոքությունը` ԱՄՆ-ի և Չինաստանի միջև հնարավոր բախման դեպքում: Դրա համար գործի են դրվել «Ցիրկոնն» ու «Պոսեյդոնը», իսկ ռազմական հաջողություններն ամրապնդում են Ռուսաստանի կարգավիճակը` որպես գերտերություն:
Վլադիմիր Պուտին / © AP
Ռուսաստանի հետ կապված արտաքին քաղաքական վերջին իրադարձություններով պայմանավորված` արևմտյան քաղաքագետները կիսվում են մտքերով, որոնք վերաբերում են միջազգային հարթակներում Ռուսաստանի Դաշնության մոտակա և երկարատև նպատակներին: Այդ առումով Վլադիմիր Պուտինի ռազմավարությանն անդրադարձել է գերմանական Focus պարբերականը:
Մասնավորապես` նշվում է, որ Պուտինը, մեծացնելով ռուսական զինված ուժերի հզորությունը, ձգտում է ապահովել Ռուսաստանի անվտանգությունը, ինչպես նաև նրա բարձր կարգավիճակը և ինքնիշխանությունը: Այդ համատեքստում, ինչպես հաղորդվում է, մեծ նշանակություն է հատկացվում սպառազինության նորագույն համակարգերին` գերձայնային «Ցիրկոն» հրթիռին և ստորջրյա «Պոսեյդոն» դրոնին: Տիրապետելով այդտեսակ հզոր զինատեսակների` Պուտինը հայտարարում է աշխարհաքաղաքականության նոր փուլի մասին:
Ընդգծվում է, որ ռազմական հաջողություններն ամրապնդում են Ռուսաստանի կարգավիճակը որպես գերտերություն` չեզոքացնելով արևմտյան ազդեցությունը մերձավոր արտասահմանի երկրների վրա և ուժեղացնելով Կրեմլի դիրքերը Մերձավոր Արևելքում, Աֆրիկայում և աշխարհի այլ տարածաշրջաններում:
Պարբերականի փորձագետների խոսքով` միջազգային հակամարտություններն ապագայում չպետք է լուծվեն առանց ռուսական հետաքրքրությունները հաշվի առնելու, առավել ևս` ի հեճուկս նրա:
Վաշինգտոնն ու Պեկինն ավելի վաղ հայտարարել են իրենց տիեզերական նկրտումների մասին, ինչը կարող էր սասանել Մոսկվայի դիրքերը: Ռուսաստանում սկսել են զբաղվել ռազմավարական ահաբեկման հնարավորությունների արդիականացմամբ, և Կրեմլն այժմ ի վիճակի է հզոր հարված հասցնելու իր հակառակորդներին, նույնիսկ, ինչպես նշվում է, եթե նրանք իրենց վերահսկողության ներքո վերցնեն երկինքը: Ընդգծվում է, որ դա կարող են ապահովել «Պոսեյդոնն» ու «Ցիրկոնը», որոնք սկիզբ են դրել զինատեսակների` սկզբունքորեն նոր դասի, որի դեմ Արևմուտքն առայժմ անզոր է:
Focus-ի կարծիքով` այդ նոր համակարգերը ՌԴ-ի համար աշխարհում նոր կարգավիճակ կապահովեն: Դրանց հիմնական նպատակը Ռուսաստանի չեզոքությունն է ԱՄՆ-ի և Չինաստանի միջև հնարավոր դիմակայությանը, ինչպես նաև արդյունավետ հակազդեցությունն այդ երկու երկրներին` ենթադրյալ ռազմական հակամարտության դեպքում: Այդպիսով, ըստ աղբյուրի, Պուտինը ծրագրում է ռազմական ճանապարհով պահպանել Ռուսաստանի ինքնիշխանությունը: Հաշվի առնելով ածխաջրածնի շուկայում իր ազդեցությունը պահպանելու կարևորությունը` Մոսկվան առաջիկա տարիներին կապահովի իր տնտեսական գործունակությունը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…