Ռուս զինվորականները Երկրի ուղեծրում մեծ ակտիվություն են արձանագրել — Շեշտ.am (shesht.am)
2 րոպե
Խմբագրություն

Ռուս զինվորականները Երկրի ուղեծրում մեծ ակտիվություն են արձանագրել

Այս տարվա առաջին 4 ամիսներին «Օկնո-Մ» համալիրը 30 հազար տիեզերական մարմինների շարժում է վերահսկել, մինչդեռ նախորդ տարվա ամբողջ ընթացքում դրանց թիվը չի գերազանցել 25 հազարը:

Երկրի ուղեծիր / © NASA

Ռուս ռազմական մասնագետները 2021թ. տիեզերքում ահագնացած ակտիվություն են արձանագրել: Դա նրանց հաջողվել է «Օկնո-Մ» օպտիկաէլեկտրոնային համալիրի հնարավորությունների օգնությամբ:

Հաղորդվում է, որ ընթացիկ տարվա սկզբից համալիրը կարողացել է ապահովել վերահսկողությունը շուրջ 30 հազար տիեզերական մարմինների շարժման նկատմամբ, ինչը հինգ հազարով ավելին է, քան ամբողջ 2020թ. ընթացքում:

Համալիրի հնարավորությունները թույլ են տալիս արձանագրել 120-50 հազար կմ բարձրության վրա գտնվող մարմինները: Ընդ որում` վերահսկվող արհեստական արբանյակների չափերը կարող են նաև թենիսի գնդակից փոքր լինել:

«Օկնո» համալիրը մարտական հերթապահություն է իրականացնում 1999թ.-ից: 2014թ. այն արդիականացվել է, ինչից հետո ստացել է «Օկնո-Մ» անվանումը: Համալիրը տեղակայված է Տաջիկստանի Սանգլոկ լեռան վրա, ծովի մակերևույթից 2200 մ բարձրության վրա:

Հիշեցնենք նաև, որ մայիսի 9-ի գիշերը սպասվում է չինական «Չանչժեն-5Վ» հրթիռ-կրիչի անկումը Երկրի վրա: Ռոսկոսմոսի կանխատեսմամբ` նրա կտորներն ընկնելու են Խաղաղ օվկիանոսում, իսկ ԱՄՆ-ի ԶՈՒ տիեզերական հրամանատարության համոզմամբ` Թուրքմենստանի տարածքում:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

4 րոպե
Խմբագրություն

Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.