Արագած լեռան վրա արհեստական լճակում կառուցվելու են թվով 7 հատ ապակե գնդաձև տնակներ, որտեղից հնարավոր կլինի հետևել աստղերին:
Արագածոտնի մարզի Բյուրական համայնքի բնակիչները հյուրանոցային յուրօրինակ համալիրի նախագիծ են մշակել: Rural Culture սոցիալական նախաձեռնության մոդելի շրջանակներում նախատեսվում է համայնքի տարածքում կառուցել աստղադիտարան-տնակներ:
Այն հանդիսանալու է զբոսաշրջային գրավիչ հաստատություն: Արագած լեռան վրա արհեստական լճում կառուցվելու են թվով 7 հատ ապակե գնդաձև տներ, որտեղից հնարավոր կլինի հետևել աստղերին: Ծրագրի իրականացման համար անհրաժեշտ է ավելի քան 1 մլն դոլար, բայց նախագիծը հնարավոր է մեկնարկել նաև 150 հազար դոլար ներդրում ունենալու դեպքում:
Նախագծի ներկայացուցիչ Աննա Հովհաննիսյանի խոսքով՝ համաներդրող դառնալ ցանկացողները կարող են նախագծին փոխանցել նույնիսկ 50 դոլար: Համագործակցության էությունը կայանալու է նրանում, որ այդ գումարի դիմաց ներդրողն իրավունք կունենա գիշերել լճակի տնակում: Հետագայում՝ կառուցումից հետո, մեկ գիշերվա արժեքը կազմելու է մոտ 100 դոլար:
Նախատեսվում է կազմակերպումն իրականացնել մինչև հաջորդ տարվա ապրիլ ամիսը: Հաջողությամբ դա իրականացնելու դեպքում 1 տարվա ընթացքում կիրականացվեն շինաշխատանքները: Եվս 2-3 ամիս կխլեն փորձարկումները: Աննա Հովհաննիսյանը նշել է, որ այդ ամենից հետո՝ 2021թ. երկրորդ կեսից, ծրագիրը հնարավոր կմեկնարկի: Մոդելի իրականացումը հնարավորություն կտա ծրագրում ներգրավել շուրջ 25 տնային տնտեսություն։ Բյուրականում 20 երիտասարդ մշտական աշխատատեղ կունենա։
Իսկ վայրը՝ Բյուրականը, պատահական չէ ընտրված. հենց այստեղ է գտնվում Հայաստանի գործող աստղադիտարանը: Իսկ Արագած լեռն ունի աստղադիտման համար բավականին հարմար դիրք: ԱՊՀ երկրների շարքում ՀՀ Գիտությունների ազգային ակադեմիայի Վ.Համբարձումյանի անվան աստղադիտարանն առաջատար գիտական հաստատություններից մեկն է:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…