Ալիևի «Յենի Ազերբայջանը» որոշել է ցրել խորհրդարանը

Իշխող քաղաքական ուժը որոշել է «երիտասարդացնել» խորհրդարանը: Բաքվի վերնախավի խոսքով` նոր պատգամավորներն ավելի լավ կներկայացնեն ժողովրդի շահերը:

Նորություններ

# Ադրբեջան

# Իլհամ Ալիև

# Խորհրդարաններ

# Միլլի Մեջլիս

Միլլի Մեջլիս / ©1news.az / Автор: неизвестен, фото предоставлено пользователем

Ադրբեջանի իշխող քաղաքական կուսակցությունը՝ «Յենի (Նոր) Ադրբեջանը» քաղաքական խորհրդի արտահերթ նիստի ժամանակ որոշում է ընդունել Միլլի Մեջլիսը (Խորհրդարանը) ցրելու վերաբերյալ: Հաղորդվում է, որ նպատակը նախագահի բարեփոխումներին ու կադրային քաղաքականությանն աջակցելն է:

Նոյեմբերի 29-ին նախատեսվում է Միլլի Մեջլիսի նիստ, որտեղ իշխող կուսակցության խմբակցությունը բարձրացնելու է խորհրդարանը ցրելու մասին հարցը: Փոխվարչապետ Ալի Ահմեդովը նշել է, որ նոր խորհրդարանում լինելու են հիմնականում երիտասարդ պատգամավորներ, ովքեր ըստ արժանվույնս պետք է ներկայացնեն ժողովրդի շահերը:

Քաղաքագետների համոզմամբ՝ սա Ալիևի կողմից հեղափոխական գործընթացի տապալմանն ուղղված միջոցառում է. հիշենք, որ վերջերս Բաքվում և այլ քաղաքներում տեղի են ունեցել բողոքի ցույցեր: Մյուս կողմից՝ խոսակցություններ կան, որ իշխանությունն աստիճանաբար փոխանցվում է Իլհամ Ալիևի կնոջը՝ Փաշաևների ազդեցիկ գերդաստանի ներկայացուցիչ Մեհրիբան Ալիևային:

https://www.facebook.com/arif.yunusov/posts/10218675123660674

Ադրբեջանցի քաղաքագետ, նախկին քաղբանտարկյալ, ներկայումս Նիդերլանդներում ապաստանած Արիֆ Յունուսովը նույնպես սա համարում է Մեհրիբանին իշխանություն բերելու գործընթացի սկիզբ:

Ադրբեջանում վերջին խորհրդարանական ընտրությունները տեղի են ունեցել 2015թ. նոյեմբերին: Միլլի Մեջլիսը բաղկացած է 125 պատգամավորից, որոնք ընտրվել են մեծամասնական ընտրակարգով:

Нашли опечатку? Выделите фрагмент и нажмите Ctrl + Enter.