«Ամեն տարի այս օրը մենք հիշում ենք բոլոր նրանց, ովքեր զոհվել են Օսմանյան դարաշրջանում` Հայոց ցեղասպանության ժամանակ, և վերստին պարտավորվում ենք կանխարգելել նման վայրագությունների կրկնությունը»:
ԱՄՆ նախագահ Ջո Բայդենի հայտարարության հայերեն ամբողջական, ոչ պաշտոնական թարգմանությունը ներկայացնում ենք ստորև.
«Ամեն տարի այս օրը մենք հիշում ենք բոլոր նրանց, ովքեր զոհվել են Օսմանյան դարաշրջանում` Հայոց ցեղասպանության ժամանակ, և վերստին պարտավորվում ենք կանխարգելել նման վայրագությունների կրկնությունը: Սկսած 1915թ. ապրիլի 24-ից` օսմանյան իշխանությունների կողմից Կոստանդնուպոլսի հայ մտավորականության և համայնքի առաջնորդների ձերբակալությունից, մեկ ու կես միլիոն հայեր տեղահանվել են, սպանվել կամ կոտորվել: Մենք պատվում ենք Մեծ Եղեռնի զոհերին, որպեսզի տեղի ունեցածի արհավիրքները երբեք չսպրդեն պատմությունից: Եվ մենք հիշում ենք, որպեսզի աչալուրջ լինենք ատելության քայքայիչ ազդեցությունից` ինչ բնույթ էլ դրանք կրեն:
Վերապրածներից շատերը ստիպված նոր տներ ու նոր կյանք փնտրեցին ամբողջ աշխարհում, այդ թվում` Միացյալ Նահանգներում: Ունենալով ուժ և ամրություն` հայ ժողովուրդը գոյատևեց և վերականգնեց իր համայնքը: Տասնամյակների ընթացքում հայ գաղթականները բազմաթիվ միջոցներով հարստացրել են Միացյալ Նահանգները, սակայն նրանք երբեք չեն մոռացել ողբալի պատմությունը, որը նրանց բազմաթիվ նախնիների մեր ափերն է բերել: Մենք հաշվի ենք նստում նրանց պատմության հետ: Մենք տեսնում ենք այդ ցավը: Հաստատում ենք պատմությունը: Մենք դա անում ենք ոչ նրա համար, որպեսզի մեղադրենք, այլ նրա, որպեսզի տեղի ունեցածը երբեք չկրկնվի:
Այսօր, երբ մենք ցավում ենք կորստի համար, եկեք մեր հայացքն ուղղենք դեպի ապագա` խաղաղությանը, որը մենք ուզում ենք կառուցել մեր երեխաների համար: Խաղաղություն` առանց առօրյա ֆանատիզմի և անհանդուրժողականության արատների, որտեղ հարգվում են մարդու իրավունքներն ու որտեղ բոլոր մարդիկ կարող են ապրել արժանապատիվ ու անվտանգ: Եկեք հաստատենք մեր ընդանուր վճռականությունը` կանխելու ապագա վայրագություններն աշխարհի ցանկացած վայրում: Եվ եկեք ձգտենք ապաքինմանն ու աշխարհի բոլոր մարդկանց հաշտեցմանը:
Ամերիկացի ժողովուրդը հիշում է բոլոր հայերին, որոնք զոհվել են 106 տարի առաջ սկիզբ առած ցեղասպանության հետևանքով»:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…