Երգիչը մարտ ամսին համերգներ է ունեցել Ռուսաստանում, իսկ Մեծ Բրիտանիայի վարչապետ Բորիս Ջոնսոնն այցելել էր կորոնավիրուսով վարակվածներին և ձեռքով բարևել նրանց: Այժմ նա կառավարությունը կղեկավարի տանից:
Բորիս Ջոնսոնն աշխատում է տանից / © AFP
Մեծ Բրիտանիայի վարչապետ Բորիս Ջոնսոնն իր թվիթերյան էջում հայտնել է, որ վարակվել է Covid-19 կորոնավիրուսով: Նա նշել է, որ գտնվում է տնային մեկուսացման մեջ, բայց առցանց շարունակելու է մասնակցել կառավարության աշխատանքներին:
Մարտի 3-ին Ջոնսոնը պատմել է, որ հիվանդանոց է այցելել, որտեղ կորոնավիրուսով վարակված պացիենտներ կային և ձեռքով բարևել է բոլորին: Այն ժամանակ պատմել է, որ վարակի տարածումը թույլ չտալու համար անհրաժեշտ է ձեռքերը լվանալ:
Մարտի 16-ին Ջոնսոնը հայտնել էր, որ Մեծ Բրիտանիան Covid-19-ի դեմ պայքարի իր ծրագիրն ունի, որը տարբերվում է եվրոպական մյուս երկրներից: Նա նախատեսում էր պաշտպանել տարեցների խմբին, ովքեր ավելի խոցելի են, երիտասարդներին թույլ տալով վարակվել: Վարչապետը ենթադրում էր, որ դա իմունիտետ կառաջացնի վարակի նկատմամբ:
Հաղորդվել է, որ կորոնավիրուս է հայտնաբերվել նաև Rammstein խմբի մեներգիչ Թիլ Լինդեմանի մոտ. նրան Բեռլինում հոսպիտալացրել են, գտնվում է ինտենսիվ թերապիայի բաժանմունքում: Նշվում է, որ երգչի մոտ շատ բարձր ջերմություն է: Այլ մանրամասներ չեն հաղորդվում:
Լինդեմանը մարտ ամսին համերգներ է ունեցել Պետերբուրգում, Եկատերինբուրգում, Կրասնոդարում և Մոսկվայում: Վերջինիս երկու համերգները կայացել են քաղաքապետարանի կողմից մտցված սահմանափակումներից ընդամենը 1 օր առաջ: Մոսկովյան շոուի մի մասը նա անցկացրել է պղպջակների մեջ, ինչից հետո այցելուները համարել են, թե այդպիսով երգիչը պաշտպանվել է կորոնավիրուսից:
UPD. Rammstein խմբի ֆեյսբուքյան էջում հաղորդվել է, որ Թիլ Լինդեմանի մոտ կորոնավիրուսի թեստը բացասական է եղել: Նա մեկ գիշեր անցկացրել է ինտենսիվ թերապիայի բաժանմունքում:
Հաղորդվում է, որ նրա վիճակը լավացել է. երգչին տեղափոխել են այլ բաժանմունք:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…