Հաստատված դեպքերն այսուհետ ըստ մարզերի կարելի է տեսնել

ՀՀ Առողջապահության նախարարության Հիվանդությունների վերահսկման և կանխարգելման ազգային կենտրոնի կայքում, որտեղ մինչ օրս հրապարակվել է Հայաստանում կորոնավիրուսի տարածման վիճակագրությունը, տեղադրվել են նաև ցուցանիշներն՝ ըստ մարզերի:

Առողջապահության նախարարության մամուլի քարտուղար Ալինա Նիկողոսյանը հայտնել է, որ առաջիկայում վիճակագրությունը տրամադրվելու է ըստ վարչական շրջանների և համայնքների՝ տեղեկատվությունն առավել հասանելի դարձնելով:

Ինչպես երևում է ըստ մարզերի հրապարակված տվյալներից՝ ամենաշատ վարակվածները Երևանից են: Արմավիրի մարզը, որտեղ (Էջմիածին) խոշոր օջախներից մեկն էր, հետ է ընկել՝ զիջելով Կոտայքի և Արարատի մարզերին: Ընդհանուր պատկերը հետևյալն է.

— Երևան՝ 151,
— Կոտայք՝ 57,
— Արարատ՝ 56,
— Արմավիր՝ 52,
— Շիրակ՝ 5,
— Արագածոտն՝ 4,
— Լոռի՝ 2,
— Սյունիք՝ 2:

Հավելենք, որ Իտալիայից վերադարձածները, ովքեր արդեն 12 օր մեկուսացված են Դիլիջանում գտնվող վարժարանում, վաղը թեստավորում կանցնեն` պարզելու նրանց մեկուսացումը շարունակելու կամ դադարեցնելու անհրաժեշտությունը:

Այդ մասին հայտնել է նախարար Արսեն Թորոսյանը, ով այսօր այցելել է Կոտայքի և Տավուշի մարզերի մեկուսացվածների գտնվելու վայրերը: