Այս մոդելը համարվում է հայկական առաջին գրոհային անօդաչուն։ «Բզեզը» պատկանում է «կամիկաձեի» տեսակին, դրա վրա ինքնաոչնչացման գործառույթ կա։
UAVLab-ի անօդաչու / ©uavlab.am
Անօդաչուների արդիական թեմային անդրադարձել է News.am-ը՝ հարցազրույց վերցնելով UAVLab ընկերության տնօրեն Արմեն Վարդանյանից: Հաշվի առնելով Հայաստանում անօդաչուների նկատմամբ հետաքրքրությունն ու դրանց նշանակությունը՝ Shesht.am-ն այն ներկայացնում է իր ընթերցողին:
Հայաստանում անօդաչու թռչող սարքերի առաջատար արտադրող UAVLab ընկերությունը, տնօրենի խոսքով, զբաղվում է անօդաչուների մշակմամբ և արտադրությամբ։ Ձեռնարկությունն ունի 5 հաջողված մշակում, որոնցից 2-ն անցել են բոլոր անհրաժեշտ փորձարկումները, և սպասվում է, որ շուտով կհամալրեն բանակի սպառազինությունը։ Արմեն Վարդանյանը նշել է, որ UAVLab-ն իրականացնում է հաշվարկները, մոդելավորումը, ծրագրավորումն ու արտադրությունը։ Ընկերությունն արտադրում է անօդաչու ինքնաթիռներ և ուղղաթիռներ:
Ամենահաջողված մոդելը տնօրենը համարել է «Բզեզը»: Չնայած փոքր չափերին՝ այն 4,6 կգ քաշով օգտակար բեռը կարողանում է բարձրացնել և տեղափոխել մինչեւ 9 կմ հեռավորությամբ, միաժամանակ անընդհատ 400 ք/մ տարածքի տեսագրություն կատարել իրական ժամանակում և տվյալները փոխանցել պաշտպանված կապի միջոցով։ Տնօրենի խոսքով՝ սա միակն է իր բնութագրով: Ընկերության արտադրանքն ունի նաև ջերմատես հնարավորություն:
UAVLab ընկերության այս մոդելը համարվում է հայկական առաջին գրոհային անօդաչուն։ «Բզեզը» պատկանում է «կամիկաձեի» տեսակին, դրա վրա ինքնաոչնչացման գործառույթ կա։ Տնօրենը նշել է, որ այն ստեղծվել և փորձնական օրինակը ցուցադրվել է դեռևս 2012թ., բայց պատշաճ ուշադրության չի արժանացել: Միայն 2016թ. Ապրիլյան քառօրյայից հետո այս ոլորտը մեծ նշանակություն ստացավ: Արմեն Վարդանյանը տեղեկացրել է, որ ընկերությունն ունի նաև հետախուզական տիպի՝ 2, 3 և 5 ժամ թռիչքի հնարավորությամբ մի քանի մոդելներ՝ 50-70 կմ հեռավորությամբ գործող։
Տնօրենի խոսքով՝ ընկերության արտադրանքն ունի միջազգային հետաքրքրություն: Վաճառվում են համակարգերի որոշ բաղադրիչներ: Ընկերությունն աշխատում է ռուսական տասնյակ ձեռնարկությունների հետ, բանակցություններ է վարում եգիպտական կառավարության հետ: Հետաքրքրություն կա Եգիպտոսի ուժային կառույցների, Կիպրոսի, Հնդկաստանի կողմից:
Արմեն Վարդանյանը նշել է, որ UAVLab-ի արտադրությունն ուղղված է ռազմական ոլորտին, սակայն արտադրանքի ցանկացած բաղադրիչ կարող է օգտագործվել նաև քաղաքացիական նպատակներով։ Ընկերության համար ռազմական արդյունաբերությունն է կարևոր, բայց որոշակի կարգավորումներից հետո կարող է կիրառվել նաև քաղաքացիական նշանակության միջոցառումների համար: Հետաքրքրություն են ցուցաբերել հատկապես լեռնային հանքարդյունաբերական ընկերությունները։
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…