Առաջին 2 սերիական մոդելները գնել է Ford ընկերությունը: Ռոբոտները կօգտագործվեն բեռնափոխադրումների ավտոմատացման մեթոդների ուսումնասիրման նախագծերում:
Agility Robotics-ի Digit ռոբոտների առաջին գնորդը դարձել է Ford Motor Company-ն: Սա ավտոմատացման նոր մեթոդների մշակման ոլորտում Agility և Ford ընկերությունների համագործակցության շարունակությունն է: Ռոբոտների գինը չի հաղորդվել, սակայն տեղեկություններ կան, որ խոսքը մեծ գումարի մասին է:
Ford Research and Advanced Engineering ընկերության փոխնախագահ և տեխնիկական տնօրեն Քեն Վաշինգտոնը հայտարարել է, որ համացանցում մանրածախ վաճառքի ծավալների աճով պայմանավորված՝ ռոբոտները կարող են օգնել առևտրային գործընկերներին՝ բիզնեսն ամրապնդելու. առաքումները կդառնան ավելի արդյունավետ և հասանելի բոլորին: Նրա խոսքով՝ Digit ռոբոտների հետ հնարավոր կլինի խթանել հետազոտական աշխատանքը:
Agility Robotics ընկերությունում նույնպես ուրախ են: Գլխավոր տնօրեն Դամիոն Շելթոնը նշել է, որ մարդանման ռոբոտը, որն ունակ է բեռներ տեղափոխել, հասանելի կլինի գնորդներին արդյունաբերության ամենատարբեր բնագավառներում՝ ինչպես շինության ներսում, այնպես էլ դրսում աշխատելով: Շելթոնը հույս է հայտնել, որ մոտ ժամանակներում ընկերության արտադրանքն իրեն լավագույնս կդրսևորի բեռնափոխադրումների ոլորտում:
Digital ռոբոտը կարող է քայլել ուղղահայաց կեցվածքով՝ չնչին ծախսով: Այն հեշտությամբ հաղթահարում է խոչընդոտները, որոնց բախվում են մարդիկ առօրյայում:
Digital-ի յուրահատուկ հնարավորությունները թույլ են տալիս ռոբոտին տեղավորել փոքր տեղերում, օրինակ՝ մեքենայի հետնամասում: Ռոբոտը կարող է տեղափոխել մինչև 18 կգ բեռ: Digit-ը կարող է գործել նաև խմբի կազմում՝ այլ սարքավորումների հետ փոխգործակցությամբ:
Ավելի վաղ Boston Dynamics-ը տեսանյութ էր հրապարակել, որտեղ ցուցադրվում էին ընկերության ձեռքբերումները անտրոպոմորֆ ռոբոտների արտադրության ոլորտում: Ամերիկյան ինժեներները ռոբոտներից մեկին սովորեցրել են ցատկել, գլուխկոնծի տալ, կանգնել ձեռքերի վրա և ցատկելիս պտտվել 360 աստիճանով:
Բայց դրանք ձեռքբերումների մի մասն են, որոնցով վերջին տարիներին կարող է հպարտանալ Boston Dynamics-ը: Աղբյուրի հիշեցմամբ՝ 2019թ. Boston Dynamics-ը վաճառքի է հանել Spot ռոբոտ-շներին:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…