Իրանն ամբողջությամբ դուրս է եկել Միջուկային համաձայնագրից
Իրանի Կառավարությունը հայտարարել է, որ հրաժարվում է վերջին առանցքային սահմանափակումից, որը վերաբերում է ցենտրիֆուգների քանակին. ուրանը կհարստացնի այնքան, որքան պահանջի պետական շահը:
Հայտարարության մեջ նշվում է, որ Իրանն իր պարտավորությունների նվազեցման 5-րդ փուլով հրաժարվում է Գործողությունների համատեղ համապարփակ ծրագրի (JCPOA) գործնականում վերջին առանցքային սահմանափակումից:
Սահմանափակումը, որից Իրանը հրաժարվել է, վերաբերում է ցենտրիֆուգների քանակին: Նախկինում դրանց քանակի սահմանափակմամբ կանխվում էր ուրանի հարստացման սահմանաչափի գերազանցումը, ինչն այսուհետ հնարավոր չէ: Իրանական կողմը նշել է, որ ուրանը հարստացնելու է բացառապես սեփական շահով պայմանավորված անհրաժեշտ քանակությամբ:
Թեհրանը հայտարարել է, որ նախկինի պես շարունակելու է համագործակցել Ատոմային էներգիայի միջազգային գործակալության (МАГАТЭ) հետ և պարտավորությունների կատարմանը կվերադառնա միայն պատժամիջոցների չեղարկումից հետո: Իրանական իշխանությունների հաղորդագրությունում նշվում է նաև, որ ԱԷՄԳ-ը պարտավոր է այս համատեքստում անհրաժեշտ քայլերն ու միջոցները ձեռնարկել` Իրանի նախագահի հետ համաձայնեցմամբ:
Հիշեցնենք՝ հունվարի 3-ին Բաղդադում ամերիկյան անօդաչուների հարվածներից սպանվել է Իրանի Էլիտար զորքերի Ղոդս ստորաբաժանման հրամանատար գեներալ Սոլեյմանին: Իրանի իշխանությունները խոստացել են վրեժխնդիր լինել՝ հարվածելով ամերիկյան ռազմական օբյեկտներին:
Մեկնաբանությունները