Հրապարակված տեսանյութում մարդանման Atlas ռոբոտը ցատկում է, գլորվում և ձեռքերի վրա կանգնում
Boston Dynamics-ի նոր տեսանյութն ակնհայտորեն ցուցադրում է այն զարգացումը, որին ընկերությունը հասել է անտրոպոմորֆ (մարդանման) ռոբոտների ստեղծման ոլորտում:
Atlas-ի հնարավորություններն ապշեցուցիչ են. Boston Dynamics-ի ինժեներներն իրենց «զավակին» սովորեցրել են թռչկոտել, գլորվել, կանգնել ձեռքերի վրա և թռիչքի ժամանակ մարմինը պտտել 360 աստիճան:
Ավելի վաղ Atlas ռոբոտին սովորեցրել էին վազել և կատարել մի շարք այլ գործառույթներ:
Boston Dynamics-ն ամեն տարի ներկայացնում է մարդանման ռոբոտների ստեղծման նոր նվաճումներ: Աղբյուրի հիշեցմամբ՝ Atlas-ի սկզբնական տարբերակները կարողանում էին կատարել միայն հասարակ հանձնարարություններ, օրինակ՝ հավասարակշռվել մեկ ոտքի վրա:
Մարդանման ռոբոտներից բացի՝ Boston Dynamics-ն ակտիվորեն մշակում է ռոբոտացված այլ համալիրներ, օրինակ՝ Cheetah և LittleDog չորսոտանի ռոբոտները: Handle ռոբոտը տեղաշարժվում է անիվների օգնությամբ, իսկ Rise-ն օժտված է վեց «թաթով»:
Մեկնաբանությունները