Ադրբեջանում ամենակոշտ մեթոդներով ձերբակալեցին ընդդիմադիրներին

Ադրբեջանում այս օրերին լարված իրավիճակ է: Բաքվում ընդդիմությունը, Ալի Քերիմլիի գլխավորությամբ, բողոքի ցույցեր են իրականացնում: Սակայն ցույցերի մեկնարկից րոպեներ անց արդեն գործին լծվում է ոստիկանությունը՝ ձերբակալելով խաղաղ մասնակիցներին:

Ուշագրավ տեսանյութեր են հայտնվել համացանցում, որտեղ երևում է, թե ինչպես են ադրբեջանական ուժայինները կոպտորեն հեռացնում ցույցի մասնակիցներին:

Անզգուշաբար ձերբակալվածների մեքենայում է հայտնվում նաև ոստիկանության հրամանատարներից մեկը:

Ձերբակալվել է նաև ադրբեջանական «Ժողովրդական ճակատ» ընդդիմադիր կուսակցության առաջնորդը՝ Ալի Քերիմլին: Նրան ոստիկաններն առևանգել են իր տան մոտից՝ ցույցերի վայր գնալու ճանապարհին:

Բաքվում ցույցերի անցկացումը խոչընդոտելու համար կիրառվել են բոլոր միջոցները՝ ճանապարհներ փակում, մետրոյի կայարանների աշխատանքի դադարեցում, որոշ թաղամասերում՝ ինտերնետ կապի անջատումներ և այլն:

Բաքվում ոստիկանությունն, ինչպես երևում է, առանձնակի դաժանությամբ է վերաբերվում ցուցարար կանանց:

Այս տեսանյութում ևս երևում է ադրբեջանական իրավապահների դաժան վերաբերմունքն ինչպես կանանց, այնպես էլ տարեցների նկատմամբ:

Ադրբեջանական իշխանությունների իրականացրած գործողություններն արժանացել են միջազգային կազմակերպությունների քննադատությանը:

Իլհամ Ալիևի կառավարման տարիներն ընդդիմադիր գործիչները բազմիցս են ենթարկվել բռնությունների, բայց այս օրերի զանգվածային ձերբակալություններն աննախադեպ են: