«Սրտումս Երևան». մայրաքաղաքը դարձավ 2801 տարեկան
Առաջին անգամ Երևանի տոնը նշվել է 1968թ.: 2750-ամյակից հետո քաղաքի տոնն այսպիսի շուքով չեն նշվել 1991-1998 թվականներին:
Հայաստանի մայրաքաղաքն այսօր նշում է հիմնադրման 2801-ամյակը, իսկ տոնի կարգախոսն է «Սրտումս Երևան»: Երևանի տոնին նվիրված հիմնական միջոցառումները մեկնարկելու են երեկոյան ժամը 19:00-ից և կտևեն մինչև 22:00-ն:
Այս տարի որոշվել է Հանրապետության Հրապարակում մեկ բեմով միջոցառում անցկացնելու փոխարեն տոնական տրամադրություն հաղորդել ամբողջ քաղաքին: Այսպիսով՝ Երևանի 12 վարչական շրջաններից յուրաքանչյուրում ամբողջ երեկոյի ընթացքում հնչելու է տարբեր ոճերի երաժշտություն՝ ռոք, փոփ, դասական, էլեկտրոնային, մանկական, ժողովրդական, ազգագրական և այլն:
Պաշտոնական միջոցառում կլինի Օպերայի և բալետի ազգային ակադեմիական թատրոնում, որտեղ մեկ տարվա կատարված աշխատանքների մասին հաշվետվություն է ներկայացվելու։
Ինչո՞ւ հոկտեմբերի 19-ին
Սովորաբար Երևանի տոնը նշվել է հոկտեմբեր ամսին: ՀՀ կառավարության 2005թ. հունիսի 23-ի 822-Ն որոշմամբ սահմանված է, որ Երևանի օրը պետք է նշվի հոկտեմբեր ամսվա երկրորդ շաբաթ օրը: Սակայն երբեմն անհրաժեշտ է լինում փոփոխել այդ որոշումը:
Այս տարի, որոշման համաձայն, տոնակատարությունը պետք է տեղի ունենար հոկտեմբերի 12-ին, սակայն Երևանն այլ միջոցառումներ էր հյուրընկալել ամսվա սկզբին, ուստի ավելի նպատակահարմար է համարվել ավելի ուշ անցկացնել: Տարածքային կառավարման և ենթակառուցվածքների նախարար Սուրեն Պապիկյանի առաջարկությամբ է Երևանի օրը նշվում հոկտեմբերի 19-ին:
Նախարարի խոսքով` այսօրվա միջոցառումներին մասնակցում են օտարերկրյա բազմաթիվ հյուրեր, քույր քաղաքների ներկայացուցիչներ, հայրենակիցներ, ուստի առաջարկվում է տոնական միջոցառումների համար ավելի ճկուն օր սահմանել:
Այս տարվա միջոցառումների կազմակերպման համար հատկացված ծախսերը կազմում են մոտ 150 մլն դրամ՝ ի տարբերություն նախորդ տարվա 500 մլն-ից ավելի ծախսված գումարի: Ընդ որում` 2018թ. Երևանի տոնը նշվել է սեպտեմբերի 29-30-ին՝ պայմանավորված հոկտեմբերին ՀՀ-ում կայանալիք Ֆրանկոֆոն պետությունների և կառավարությունների ղեկավարների գագաթնաժողովի անցկացմամբ:
Ե՞րբ է նշվել առաջին անգամ
Էրեբունի-Երևան տոնակատարությունն առաջին անգամ նշվել է 1968թ.՝ Էրեբունի ամրոցի հիմնադրման 2750-ամյակի կապակցությամբ: Հատուկ այդ միջոցառման համար գրվել է «Էրեբունի-Երևան» երգը (խոսքը՝ Պարույր Սևակի, երաժշտությունը՝ Էդգար Հովհաննիսյանի): Այն հետագայում դարձել է մայրաքաղաքի օրհներգը:
Երգն առաջին անգամ կատարվել է 2750 հոգուց բաղկացած երգչախմբով: Այդ օրը նաև Հանրապետության հրապարակի մերձակա զբոսայգում բացվել է նույն քանակությամբ ցայտաղբյուրներից բաղկացած շատրվանների համալիրը:
1968թ.-ից հետո Երևանի տոնի չի նշվել միայն 1991-1998թթ.:
Երևան դարձած իմ Էրեբունի,
Դու մեր նոր Դվին, մեր նոր Անի:
Մեր փոքրիկ հողի դու մեծ երազանք,
Մեր դարե կարոտ, մեր քարե նազանք:
Երևան դարձա՜ծ իմ Էրեբունի,
Դարեր ես անցել, բայց մնացել ես պատանի:
Քո Մասիս հորով, քո Արաքս մորով,
Մեծանաս դարով, Երևա՜ն:
Մենք արյան կանչեր ունենք մեր սրտում,
Անկատար տենչեր ունենք դեռ շատ:
Մեր կանչն առանց քեզ իզուր կկորչի,
Առանց քեզ մեր տաք տենչն էլ կսառչի:
Երևան դարձա՜ծ իմ Էրեբունի…
Կյանքում ամեն սեր լինում է տարբեր,
Իսկ մենք բոլորս էլ քեզնով արբել:
Տաք է սերը մեր շեկ քարերիդ պես,
Հին է սերը մեր ձիգ դարերիդ պես:
Երևան դարձա՜ծ իմ Էրեբունի…
Էրեբունի-Երևանը հիմնադրվել է մ.թ.ա. 782թ.՝ Արգիշթի Առաջինի կողմից: Այդ մասին է վկայում 1950թ. Արին Բերդի տարածքում կատարված պեղումների ժամանակ հայտնաբերված արձանագրությունը: Երևանը Հայաստանի 12-րդ մայրաքաղաքն է:
Telegram 
Facebook 
Google News Արյան բազմաթիվ քննությունների արդյունքները քիչ են կախված վերջին սնունդից անցած ժամանակից։ Հարավային Կորեայում անցկացված հետազոտությունը ցույց է տվել, որ քաղցած մնալու պահանջը կարող է տարբեր լինել՝ կախված ստուգվող ցուցանիշից։
Ավստրալիայի Քվինսլենդ նահանգում անասնաբույժները վիրահատել են Սփայդեր անունով հորթին, որը ծնվել էր երկու լրացուցիչ ոտքով։ Կենդանին ապաքինվել է և վերադարձել մոր մոտ։
SpaceX-ը նախատեսում է 2027 թվականին սկսել Starmind հաշվարկային արբանյակների արձակումը։ Արհեստական բանականության համար նախատեսված սարքերը պետք է սնուցվեն արևային էներգիայով և միասին աշխատեն որպես ուղեծրային տվյալների կենտրոններ։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
Վարչապետ Նիկոլ Փաշինյանի որոշմամբ Դավիթ Սանամյանն ազատվել է Ազգային անվտանգության ծառայության տնօրենի տեղակալի պաշտոնից։ Հոկտեմբերի 5-ի որոշման մեջ պաշտոնանկության պատճառը չի նշվում։
Կոտայքի մարզում ավտոմեքենայից արձակված կրակոցներից երկու պարեկային ծառայող վիրավորվել է։ Ոստիկանությունը ձերբակալել է դեպքին առնչություն ունենալու մեջ կասկածվող երկու անձի։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները