Կանադացի գյուտարարի ստեղծած 4 մետրանոց էկզոկմախքը տեղաշարժվում է երկու էլեկտրաշարժիչների օգնությամբ: Այն կարող է հրել կամ քաշել մինչև 5 տոննա բեռ:
Ջոնաթան Տիպետի հեղինակած էկզոկմախքը / © Guinness World Records
Վանկուվերի բնակիչ Ջոնաթան Տիպետի ստեղծած Էկզոկմախքն ունի 3,96 մետր բարձրություն: Այն հիշեցնում է հսկայական սարդի. երկարությունը 5,1 մետր է, լայնությունը՝ 5,5 մետր, իսկ ընդհանուր քաշը՝ 1,5 տոննա:
Գյուտարարն էկզոկմախքը ստեղծել է 13 տարվա ընթացքում: Սարքավորումը բաղկացած է քրոմացված խողովակներից, որոնք օգտագործվում են նաև օդատիեզերական արդյունաբերությունում: Մեխանիզմը տեղաշարժվում է երկու էլեկտրաշարժիչների օգնությամբ, որոնք աշխատում են լիթիումաիոնային հզորացված մարտկոցներով:
Էկզոկմախքը կառավարվում է մարդու կողմից, ով նստում է կառուցվածքի կենտրոնում: Սարքավորումն ունակ է անհարթ մակերեսի վրա հրել կամ քարշ տալ մինչև 5 տոննա կշռող բեռներ:
Հեղինակը նշել է, որ կառուցման գործընթացն ինտենսիվ կերպով է ընթացել: Մեքենան ամրակցվել է մոտ մեկ տարվա ընթացքում, իսկ արդեն երեք տարի փորձարկվում է:
Ավելի վաղ հաղորդվել էր, որ տարեց ճապոնացիները սկսել են էկզոկմախքներ կրել, որպեսզի կարողանան բարձր տարիքում աշխատել: Էկզոկմախքները նվազեցնում են մարմնի ծանրաբեռնվածությունը և հնարավորություն են տալիս ծանրություններ տեղափոխել՝ գործնականում չհոգնելով:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…