Բանանի պահանջարկը նվազել է. հնարավոր է՝ պատճառը կորոնավիրուսի մասին լուրերն են
Հայաստանում նույնպես բանանի պահանջարկը կտրուկ անկում է գրանցել: Ռուսաստանում ու Ղազախստանում լուրեր են պտտվում, թե բանանը կորոնավիրուս է տարածում: Հայաստանի ՍԱՏՄ-ն վստահեցնում է՝ բանանն անվնաս է:
Բանանի վտանգավորության մասին տեղեկությունները չեն շրջանցել նաև հայ օգտատերերին, ովքեր սկսել են ավելի քիչ բանան գնել: Շուկաներում դժգոհությունն ակնհայտ է, բայց վաճառողները պատճառների մասին տեղեկություն չունեն:
Ֆեյսբուքի հայկական տիրույթում տեղեկություններ են տարածվել, թե ներմուծված բանանը տարօրինակ տեսք ունի, ներսում ոչ սովորական «հետքեր» կան:
Համացանցում տարածված այդ տեղեկություններին արձագանքել է ՍԱՏՄ-ն. տեղեկատվության և հասարակայնության հետ կապերի բաժնի պետ Անուշ Հարությունյանը նշել է, որ դա մանիմուլյացիա է, հակագովազդ, իսկ բանանը ներմուծվում է խիստ վերահսկողության պայմաններում:
Անուշ Հարությունային խոսքով՝ բույսերի հիվանդության հարուցիչները մարդուն չեն անցնում և պտուղն ուտելիս դրանք մարդու կյանքի առողջության համար վտանգավոր լինել չեն կարող: Դրանցից որոշները կարող են միայն տնտեսական վնաս հասցնել աճեցնողներին, ինչի համար էլ համարվում են «կարանտին» և խստորեն վերահսկվում են: ՍԱՏՄ ներկայացուցիչը նշել է, որ գրիպի և այլ վիրուսներ պտուղների մեջ իրենց գոյությունը պահպանել չեն կարող, քանի որ դրանց համար անհրաժեշտ են կենդանի օրգանիզմներ:
Թեև մինչ այժմ բանանից թունավորման կամ հիվանդացության դեպք չի գրանցվել, սակայն մի շարք քաղաքացիներ մեզ հետ զրույցում նշեցին, որ վերջին շրջանում բանանի տեսքն ու համն իրենց դուր չի գալիս: «Բանանի համ չկա»,— նշեց գնորդներից մեկը:
Ռուսաստանում ու Ղազախստանում նույնպես նվազել է բանանի պահանջարկը
Վլադիվոստոկի ոչ մեծ խանութի սեփականատեր Էմինը Թվիթերում բողոք է հայտնել, որ WhatsApp-ով տարածվող հաղորդագրությունների պատճառով բանանի պահանջարկը նվազել է: Վերջին մեկ շաբաթվա ընթացքում նա չի կարողացել վաճառել 7 կգ բանան, և մրգերը ստիպված դեն է նետել:
2019-nCoV կորոնավիրուսի տարածումից հետո ռուսաստանցիները սկսել են մեսենջերներով հաղորդագրություններ ուղարկել այն մասին, որ «բանանը կորոնավիրուս է տարածում»:
Էմինին պատասխանել է Դիտրին, ով ներկայացնում է մատակարարներին: Նրա խոսքով՝ պահանջարկն անկում է ապրել նաև Ղազախստանում:
Որոշ ընթերցողներ ենթադրել են, որ բանանի պահանջարկը կարող է նվազած լինել բարձր գնի պատճառով:
Սակայն ինչ-որ մեկի համար 100 ռուբլին մատչելի է համարվում:
Ավելի ուշ Ռուսական սննդի անվտանգության տեսչական մարմինը հերքեց այդ տեղեկությունները: Չնայած դրան՝ բանանի պահանջարկը շարունակում է նվազել:
Վարչապետի խոսնակը նշում է, որ «Իսկանդերի» մասին հայտարարությունը ոչ մի կապ չունի ռազմական և ռազմարդյունաբերական համագործակցության ոլորտում հայ-ռուսական դաշնակցային հարաբերությունների բովանդակության ու որակի հետ և կասկած չի հարուցում, որ ռուսական զենքը լավագույններից է աշխարհում:
Արևի վրա տեղի ունեցած թույլ բռնկման պատճառով Երկրի վրա առաջացած մագնիսական փոթորիկը կարող է հանգեցնել էներգահամակարգերի աշխատանքի աննշան խափանումների, ինչպես նաև ազդել թռչունների ու կենդանիների միգրացիայի վրա:
Փաստերի ստուգման հարթակն արձանագրում է, որ Ռուսաստանի պաշտպանության նախարարության և Ադրբեջանի նախագահի հայտարարություններն իրականությանը չեն համապատասխանում։
Ռուսական պաշտպանական գերատեսչության հաղորդմամբ` Հայաստանի զինված ուժերի կազմում գտնվող բոլոր «Իսկանդեր» հրթիռները գտնվում են երկրի զինապահեստներում:
Վարչապետի խոսնակը նշում է, որ «Իսկանդերի» մասին հայտարարությունը ոչ մի կապ չունի ռազմական և ռազմարդյունաբերական համագործակցության ոլորտում հայ-ռուսական դաշնակցային հարաբերությունների բովանդակության ու որակի հետ և կասկած չի հարուցում, որ ռուսական զենքը լավագույններից է աշխարհում:
Նշվում է, որ վերջնական որոշումը պետք է համաձայնեցվի ԱՄՆ-ի հետ: Այս գործընթացի մասն են համարվում նախագահ Արմեն Սարգսյանի հանդիպումները Լոնդոնում: Փարիզին կարող են միանալ նաև Աթենքի ներկայացուցիչները` ռազմական դիտորդների մակարդակով:
Գեղարքունիքի մարզում երկրաշարժը զգացվել է 5-6 բալ ուժգնությամբ, Կոտայքի, Տավուշի, Լոռու և Արարատի մարզերի բազմաթիվ բնակավայրերում՝ 4-6 բալ ուժգնությամբ, Երևան քաղաքում՝ 3-4 բալ ուժգնությամբ:
Փաստերի ստուգման հարթակն արձանագրում է, որ Ռուսաստանի պաշտպանության նախարարության և Ադրբեջանի նախագահի հայտարարություններն իրականությանը չեն համապատասխանում։
Մեկնաբանությունները