Թուրքագետի համոզմամբ` թուրքերը հիմա փորձում են Ադրբեջանի միջոցով հնարավորինս շատ բան պոկել Հայաստանից: Եվ եթե ՀԱՊԿ-ն այս անգամ էլ չկարողանա իրականացնել իր հիմնարար գործառույթները, որոնց համար ինքը ստեղծվել է, ապա այդ կազմակերպության ապագան լուրջ հարցականի տակ կդրվի:
Թուրքագետ Ռուբեն Սաֆրաստյանի խոսքով` Հայաստանի վրա ճնշումներն ուժեղացնելով Թուրքիան և Ադրբեջանը փորձում են որոշ կարևոր հարցերում զիջումների հասնել: Ակադեմիկոսի դիտարկմամբ` այդ կարևոր հարցերից են` Արցախի կարգավիճակը և Հայաստանի սահմանները:
Սաֆրաստյանի համոզմամբ` Արցախի դեմ սանձազերծած պատերազմից Թուրքիան ցանկալի արդյունքները չստացավ: Պատերազմ հրահրելով, ինչպես նշում է, Անկարան նպատակ ուներ ստեղծել իրավիճակ, որի պարագայում Արցախի շուրջ կտեղակայվեին ռուս-թուրքական համատեղ խառը խաղաղապահ ուժեր, ինչպես Սիրիայում, բայց ռուսական կողմը դա թույլ չտվեց:
Թուրքիան, Սաֆրաստյանի համոզմամբ, այդ կերպ փորձելու էր մուտք գործել Հայաստան` դադարեցնելով նրա գոյությունը որպես ինքնուրույն պետություն: Չստանալով դա` թուրքերը հիմա փորձում են Ադրբեջանի միջոցով հնարավորինս շատ բան պոկել Հայաստանից:
Անդրադառնալով ՀԱՊԿ դիրքորոշմանը` Ռուբեն Սաֆրաստյանն ընդգծում է, որ եթե ՀԱՊԿ-ն այս անգամ էլ չկարողանա իրականացնել իր հիմնարար գործառույթները, որոնց համար ինքը ստեղծվել է, ապա այդ կազմակերպության ապագան լուրջ հարցականի տակ կդրվի:
Թուրքագետի համոզմամբ` Թուրքիան վտանգ է ներկայացնում ոչ միայն մոտ հարևանների, այլև` Բալկանյան թերակղզու, Կենտրոնական Ասիայի, Աֆղանստանի և այլ հեռավոր տարածաշրջանների, այդ թվում նաև` Ռուսաստանի համար: Թուրքիան, նրա խոսքով, փորձում է թուլացնել ռուսական պետականությունը:
Որպես վերջինի դրսևորում` Սաֆրաստյանը մատնանշում է թուրքական քաղաքականությունն Ուկրաինայում, Կենտրոնական Ասիայում, Կովկասում, Բալկանյաններում: Բացի այդ, ինչպես նշում է, Լիբիայում Թուրքիան ու Ռուսաստանը հակադիր բևեռներում են գտնվում:
Թուրքագետը շեշտել է, որ Ռուսաստանը պետք է հասկանա, որ գալու է մի պահ, որ նա ավելի վճռական հակազդի Թուրքիային:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…