Ոստիկանությունը ստացված տվյալների հիման վրա իրականացնելու է վարչական վարույթ։ Հավելվածը խախտումն արձանագրած քաղաքացու ինքնությունը չի բացահայտելու:
Խախտում՝ արձանագրված մեքենայի տեսանկարահանող սարքից / ©Donor451
Ազգային ժողովը երկրորդ ընթերցմամբ և ամբողջությամբ ընդունեց երթևեկության կանոնների խախտումները նկարահանելու և հավելվածի միջոցով ոստիկանությանը փոխանցելու մասին օրենքի նախագիծը։
«Տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» օրենքով սահմանվում է, որ քաղաքացիները կկարողանան արձանագրել խախտումները, հատուկ հավելվածի միջոցով փոխանցել Ճանապարհային ոստիկանությանը: Ոստիկանությունը ստացված տվյալների հիման վրա իրականացնելու է վարչական վարույթ։
Օրենքի նախագիծը առաջինից երկրորդ ընթերցման ընթացքում որոշակի փոփոխություններ է կրել: Մասնավորապես, ի սկզբանե չնախատեսված և լրացված սահմանափակումներից է տեսագրություններն ուղարկելու քանակը: Ըստ այդմ՝ նույն անձը չի կարողանա որոշակի ժամկետում նույն մեքենայի վերաբերյալ մեկից ավել անգամ տեսագրություն ուղարկել: Այս առաջարկի հիմնավորումը չարամտությունից խուսափելն է:
Սահմանափակումների և դրանց ժամկետների չափի հստակեցումը վերապահված է Կառավարությանը: Նախնական տարբերակով նախատեսվում է սահմանել ամսական 1, տարեկան մինչև 10 անգամ միևնույն մեքենայի խախտման արձանագրության հաղորդում: Հավելվածը խախտումն արձանագրած քաղաքացու ինքնությունը չի բացահայտելու:
Օրենքի նախագիծն Ազգային ժողով են ներկայացրել պատգամավորներ Արմեն Փամբուխչյանը և Սիսակ Գաբրիելյանը: Այն երկրորդ ընթերցմամբ և ամբողջությամբ ընդունվել է 83 կողմ, 24 դեմ և 3 ձեռնպահ ձայների հարաբերակցությամբ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…