Ադրբեջանցիները Մոսկվայի շուկաներից դուրս էին բերել հայկական ապրանքները, մասնավորապես՝ ծիրանը: Օգտատերերը հայերին կոչ են արել գնել դրսում հայտնված մթերքը: Արդյունքում՝ հայկական գյուղմթերքը սպառվել է մեկ գիշերվա ընթացքում:
Հայկական ծիրանը վաճառվել է շուկայից դուրս / © Гарий Ксаламанян
Նախօրեին տեղեկություն էր հաղորդվել, որ Մոսկվայի Ֆուդ Սիթի շուկայում (պատկանում է ադրբեջանցի գործարարին) թույլ չեն տվել հայկական ծիրանով բեռնված բեռնատարների մուտքը՝ ներսում գտնվողներին ևս դուրս բերելով: Մատակարարներն ահազանգել էին, որ մթերքը փչանում է:
Սոցցանցերի օգտատերերը դիմել են մոսկվայաբնակ հայերին՝ կոչ անելով գնալ բեռնատարների կայանման վայրը և գնել հայկական գյուղմթերքը:
Արդյունքում՝ գիշերվա ընթացքում մեծ թվով ռուսաստանաբնակ հայեր հերթ են կանգնել՝ հայկական գյուղմթերքն ամբողջությամբ գնելու համար:
Տեղեկություններ կան, որ հայկական մթերքը գնելու նպատակով մարդիկ Մոսկվա են հասել տարբեր քաղաքներից, որոնք գտնվում են հարյուրավոր կիլոմետրերի հեռավորության վրա:
Հայկական գյուղմթերքը գնած օգտատերերը նշում են, որ բեռնատարներում մնացած ապրանքն ամբողջությամբ սպառվել է մեկ գիշերվա մեջ:
Հիշեցնենք, որ հայ-ադրբեջանական լարվածությունն արտասահմանում (որի շարունակությունն էր «ծիրանի պատմությունը»), վերսկսվել է հուլիսի 12-ից՝ Տավուշի մարզի սահմանային հատվածում ռազմական բախումներից հետո, երբ ադրբեջանական զինուժը հրետակոծեց հայկական բնակավայրերը: Այդ թեմային անդրադարձել է նաև միջազգային մամուլը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…