Վերլուծություն. արտասահմանյան մամուլը՝ հայ-ադրբեջանական ռազմական ընդհարման վերաբերյալ

Ստորև ներկայացնում ենք այն ազդեցիկ լրատվամիջոցները, որոնք իրավիճակը համակողմանիորեն ներկայացրեցին, բացահայտ կերպով ապատեղեկատվություն տարածեցին կամ գտնվեցին ոչ անաչառ:

Հետազոտություն

# ԶԼՄ-ներ

# Հակամարտություններ

Ադրբեջանական զինուժը գնդակոծել է խաղաղ բնակավայրը / © armenieprivat / Автор: неизвестен, фото предоставлено пользователем

Հայաստանի և Ադրբեջանի միջև ռազմական ընդհարումը, որը սկսվել է հուլիսի 12-ի կեսօրին՝ ադրբեջանական կողմի նախահարձակ գործողություններով, դեռևս շարունակվում է: Այս ընթացքում թեմային անդրադարձան արտասահմանյան բազմաթիվ լրատվամիջոցներ: Ստորև ներկայացնենք այն ազդեցիկ լրատվամիջոցները, որոնք բացահայտ կերպով ապատեղեկատվություն տարածեցին կամ գտնվեցին ոչ անաչառ:

The Washington Post-ը, հղում անելով The Associated Press-ին, ներկայացրել է ընդհանուր իրավիճակը՝ հիմք ընդունել ՀՀ ՊՆ մամուլի քարտուղար Շուշան Ստեփանյանի ֆեյսբուքյան գրառումը: Միայն մի փոքր անդրադարձով նշվում է Ադրբեջանի կողմից բարձրաստիճան զինվորականների սպանված լինելու մասին տեղեկության հաստատումը:

https://twitter.com/lagatangexos/status/1283297546400600064?ref_src=twsrc%5Etfw%7Ctwcamp%5Etweetembed%7Ctwterm%5E1283297546400600064%7Ctwgr%5E&ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2Flagatangexos2Fstatus2F1283297546400600064widget%3DTweet

Agence France-Presse-ը նշել է, որ, չնայած միջազգային կառույցների, տարածաշրջանի խոշոր դերակատար Ռուսաստանի կոչերին, Հայաստանի և Ադրբեջանի միջև ռազմական բախումներ են տեղի ունենում:

De nouveaux combats meurtriers ont opposé aujourd’hui l'Arménie et l'Azerbaïdjan, provoquant la mort d'au moins 9 militaires, malgré les appels internationaux à la retenue, notamment de la Russie, la grande puissance régionale #AFP pic.twitter.com/qZ65ZecB73
— Agence France-Presse (@afpfr) July 14, 2020

Նույն գործակալությունը, սակայն, ավելի վաղ ներկայացրել էր միայն ադրբեջանական տարբերակը:

#UPDATE Armenian forces attacked Azerbaijani positions along the two countries' border on Sunday, using artillery fire and killing two Azerbaijani troops, Baku said
— AFP News Agency (@AFP) July 12, 2020

BBC-ն ընդհանուր պատկերն է ներկայացնում, բայց մեջբերումների մեծ մասն ադրբեջանական հայտարարություններն են, որոնց վերջում հիմնականում ավելացված է «հայկական կողմը հերքում է» կարճ տեղեկությունը:

Azeri troops killed in two days of clashes involving tanks and artillery on Azerbaijan's border with Armenia https://t.co/Zm4QtKhOA1
— BBC News (World) (@BBCWorld) July 14, 2020

The Guardian-ը ռազմական բախման վերաբերյալ տվյալները համակողմանիորեն է ներկայացրել՝ առավել շեշտադրելով հայկական պաշտոնական դիրքորոշումը:

https://twitter.com/LenaZaqaryan/status/1283296027613827072?ref_src=twsrc%5Etfw%7Ctwcamp%5Etweetembed%7Ctwterm%5E1283296027613827072%7Ctwgr%5E&ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2FLenaZaqaryan2Fstatus2F1283296027613827072widget%3DTweet

Eurasianet-ը նկարագրում է ընդհանուր իրավիճակը, կողմերի հաղորդած տեղեկությունները: Հիմնական շեշտադրումն այն է, որ երկու երկրները միմյանց են մեղադրում:

Կանադական CBC-ն, որոշակիորեն համակողմանիորեն ներկայացնելով ընդհանուր իրավիճակը, մեջբերում է նաև ադրբեջանական կողմի հաղորդած տեղեկությունը, ըստ որի՝ հայկական զինուժի հարվածներից զոհվել է ադրբեջանցի խաղաղ բնակիչ:

INDEPENDENT-ն անաչառ կերպով նկարագրում է երկու կողմի վարկածները՝ հավասարաչափ մեջբերելով հակամարտող երկրների պաշտոնական հաղորդագրությունները:

Նույն կերպ է վարվում նաև Al Jazeera-ն: Ներկայացվում են ինչպես ՀՀ ՊՆ մամուլի քարտուղար Շուշան Ստեփանյանի, ՀՀ վարչապետ Նիկոլ Փաշինյանի, այնպես էլ ադրբեջանական իշխանությունների ներկայացուցիչների հայտարարությունները:

Death toll in Armenia-Azerbaijan border clashes reaches 14 https://t.co/VE9to69saa
— Al Jazeera English (@AJEnglish) July 14, 2020

Գերմանական Deutsche Welle-ը նույնպես համակողմանի տեղեկատվություն է հաղորդում՝ ներկայացնելով նաև հակամարտության ընդհանուր նկարագրությունը:

Պատկերը նույնն է նաև ավստրալական մամուլում (Australian Associated Press): Այստեղ ևս իրավիճակը ներկայացված է այնպես, ինչպես հաղորդել են երկու երկրների ներկայացուցիչները:

Ռուսական ТАСС և РИА НОВОСТИ գործակալությունները մերթընդմերթ հաղորդում են Հայաստանի և Ադրբեջանի պաշտոնական մեկնաբանությունները՝ առանձին հրապարակումներով ներկայացնելով միայն մեկ կողմի տեսակետը:

Ռուսական Lenta լրատվականը ներկայացրել է Ադրբեջանի նախագահի խորհրդական Հիքմեթ Հաջիևի մեկնաբանությունը տեղի ունեցածի վերաբերյալ՝ «Հարձակումը նախապատրաստվել էր» վերտառությամբ: Միայն նյութի վերջում է փոքր անդրադարձ կատարվում երկու կողմերի նախնական հայտարարություններին:

Gazeta-ն պարբերաբար անդրադառնում է թեմային՝ ունեցած տեղեկությունները ներկայացնելով որպես փոխադարձ մեղադրանքներ: Կայքում, սակայն, կատարված ուսումնասիրության համաձայն, կարելի է նշմարել, որ ադրբեջանական աղբյուրների վրա հիմնված հաղորդումները գերակշռում են:

Իրանական աղբյուրներում (IRNA) հրապարակված տեղեկությունները վերաբերում են ԻԻՀ-ի ղեկավարության դիրքորոշումը հայ-ադրբեջանական սահմանին ռազմական բախման մասին: Ի դեպ՝ նախագահի աշխատակազմի ղեկավար Մահմուդ Վաեզիի թվիթերյան վերջին գրառումներն ադրբեջաներեն են: Մասնագետները ենթադրում են, որ սա Ադրբեջանին ուղղված խիստ կոչ կարող է լինել:

Azərbaycan-Ermənistan sərhəddində yaranan qarşıdurma iki ölkənin mənafeyini habelə regionun sabitliyini təhdid edir və nigarançlılıq doğurur. Yaranan böhrandan yeganə çıxış yolu iki ölkənin mənafeyini və ərazi bütövlüyünü nəzərə alaraq İxtilafların siyasi həllindən keçir.
— Mahmoud Vaezi | محمود واعظی (@Dr_Vaezi) July 14, 2020

Վաեզիի հայտարարությունը

Բառացառապես ադրբեջանական կողմի առաջ քաշած տարբերակներն են տարածում այդ երկրի և Թուրքիայի լրատվականները (Anadolu, Sabah, Haber և այլն)՝ պաշտոնական տեղեկատվությունից բացի՝ տարածելով նաև կեղծ տվյալներ:

Нашли опечатку? Выделите фрагмент и нажмите Ctrl + Enter.