Տղամարդն առողջանալուց 3 ամիս անց կրկին վարակվել է Covid-19-ով

Դեպքի մասին պատմել է Վաշինգտոնից թերապևտ Դ.Քլեյ Աքերլին: Նրա պացիենտներից մեկը երեք ամիս տարբերությամբ կրկնակի է վարակվել: Եվ եթե առաջին անգամ նրան անհանգստացրել են հազն ու կոկորդի ցավը, ապա երկրորդին՝ բարձր ջերմությունը, շնչահեղձությունը և թթվածնային անբավարարությունը: Covid-19-ի ախտանշանները երբեմն կարող են մի ամիս պահպանվել, սակայն չլինեն այդպես էական և, հնարավոր է, պացիենտը պարզապես չի առողջացել: Սակայն Աքերլին այլ կերպ է կարծում. կորոնավիրուսի թեստերը երկու անգամ բացասական են եղել և տղամարդը 6 շաբաթ իրեն լավ է զգացել:

Բժիշկների համոզմամբ՝ սա միակ դեպքը չէ: Հետազոտության հեղինակը պատմել է Նյու Ջերսիի երկու այդպիսի պացիենտների մասին. մեկը վարակվել էր առողջանալուց երկու ամիս անց:

SARS-CoV-2-ի նկատմամբ իմունային անհայտ ռեակցիաները ներկայումս գերակշռում են հայտնիներին: Հայտնի չէ, թե վարակվելուց հետո ինչպիսի իմունիտետ է ձևավորվում, ինչքան է այն տևում և որքան հակամարմիններ են անհրաժեշտ, որ դուրս մղեն վարակը:

Առողջացած պացիենտների մասնակցությամբ կատարված հետազոտությամբ պարզվել է, որ հակամարմիններ ոչ բոլորի մոտ են ի հայտ գալիս: Առանց ախտանշանների պացիենտների մոտ նրանք վիրուսին արձագանքում են անմիջապես վարակվելուց հետո, սակայն արագորեն թուլանում են: Բացի այդ՝ Covid-19-ից առողջացածները կարող են կորցնել իմունիտետը: Առողջանալուց երեք ամիս անց պացիենտի մոտ հակամարմինները նվազում են 23 անգամ, իսկ վիրուսի նկատմամբ հզոր ռեակցիա դիտվել է առողջացածների 17%-ի մոտ (վարակի գագաթնակետում վարակվածների մոտ այդ ցուցանիշը 60% է): Եվ դա այնքան էլ լավ նորություն չէ պատվաստանյութ մշակողների համար:

Կենսաքիմիկոս Քետի Դորեսը նշել է, որ վարակի ժամանակ հակամարմիններն առավել արդյունավետ են աշխատում, ուստի, եթե վարակը հակամարմինների մակարդակ է հաղորդում, որը սպանում սպանում է երկու-ամիս անց, ապա պատվաստանյութը, հնարավոր է, նույն կերպ վարվի:

Փորձագետները ենթադրում են, որ երբևէ SARS-CoV-2-ի ազդեցությանը ենթարկված իմունիտետը հասարակությանը կպաշտպանեն կրկնակի վարակումից և վիրուսի հետագա տարածումից: Սակայն նկարագրված դեպքը ցույց է տալիս, որ բնական կոլեկտիվ իմունիտետը կարող է երբեք էլ չստեղծվել: Ավելին՝ կարճ ժամկետում կրկնակի վարակման դեպքերը բազմաթիվ վիրուսների առանձնահատկությունն են, այդ թվում՝ կորոնավիրուսի:

Անհատական իմունիտետի հարցում անվստահության և առանց համատեղ աշխատանքի համավարակի հաղթահարումը բարդանում է: Աքերլին համարում է, որ ջանքերը պետք է դուրս գան բուժման արդյունավետ մեթոդների ու պատվաստանյութի սպասումների շրջանակից և ներառեն մշտական կանխարգելում. դիմակների կրում, ձեռքերի լվացում, սոցիալական հեռավորություն, համապատասխան թեստավորում և նոր դեպքերի վերահսկում: