Նախատեսվում է երկրի տարածքը բաժանել սպիտակ, դեղին և կարմիր գոտիների. սպիտակ կհայտարարվեն այն տարածքները, որտեղ երկու շաբաթվա ընթացքում վարակվածության ու մահացության նոր դեպքեր չեն գրանցվի: Այնտեղ սահմանափակումները կհանվեն:
Իրանը կբաժանվի 3 գոտիների՝ ըստ կորոնավիրուսի տարածվածության / © Vahid Salemi / AP
Իրանի իշխանությունները, կորոնավիրուսի տարածմամբ պայմանավորված, երկիրը որոշել է բաժանել մի քանի գոտիների՝ ըստ անհրաժեշտության դրանցում մտցնելու կամ հանելու սահմանափակումները: Նախագահ Հասան Ռոհանին նշել է, որ երկրի տարածքը բաժանվելու է երեք տեսակի շրջանների՝ սպիտակ, դեղին և կարմիր: Սահմանափակումները կանոնակարգվելու են ըստ այդ բաժանումների:
Սպիտակ գոտիներում թույլատրվելու են նախկինում արգելված կրոնական ծիսակատարությունները, աղոթարանները, վերացվելու է նաև մարդկանց հավաքվելու արգելքը: Սպիտակ են հռչակվելու այն գոտիները, որտեղ երկու շաբաթվա ընթացքում վարակվածության և մահացության նոր դեպքեր չեն գրանցվի:
Իսլամական Հանրապետության նախագահը նաև քննադատել է ամերիկյան կողմին՝ պատժամիջոցների համար, և հայտնել, որ այս ընթացքում Իրանը կարողացել է ինքնուրույն ստեղծել արհեստական օդափոխման սարքեր, կորոնավիրուսի ախտորոշման թեստեր, N95 դիմակներ ու այլ անհրաժեշտ պարագաներ և պատրաստ է մյուս երկրների հետ կիսվել կորոնավիրուսի դեմ պայքարի իր փորձով:
Հավելենք, որ ներկայումս Իրանում կորոնավիրուսով վարակվածների փաստացի թիվը դարձել է մոտ 15 հազար. վարակվածների ընդհանուր թիվը կազմել է շուրջ 90 հազար, մահացել է 5710 մարդ, առողջացել են 69657-ը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…