Անտոն Եվստրատովի խոսքով` եթե Ադրբեջանն իրեն չի համարում Խորհրդային Ադրբեջանի իրավահաջորդը, ապա անհրաժեշտ է առանձնացնել Լեռնային Ղարաբաղի սահմանները, դեօկուպացնել տարածքները:
Խաղաղապահը` դիտակետում / © Mil.ru
Նախօրեին Մոսկվայում կայացավ Ռուսաստանի, Հայաստանի և Ադրբեջանի ղեկավարների եռակողմ հանդիպումը: Քննարկվել են Լեռնային Ղարաբաղի հարցի խաղաղ կարգավորման մանրամասները: ՌԴ նախագահը նշեց, որ կրակի դադարեցման մասին Հայաստանի և Ադրբեջանի միջև ձեռք բերված պայմանավորվածությունն իրագործվում է: Հանդիպման արդյունքում ստորագրվել է տարածաշրջանի ճանապարհային ենթակառուցվածքների ապաշրջափակման վերաբերյալ հայտարարությունը:
Հայ-ռուսական համալսարանի աշխատակից, քաղաքագետ Անտոն Եվստրատովը նշել է, որ մոսկովյան եռակողմ հանդիպման վերաբերյալ անհրաժեշտ է մի շարք դրվագների վրա ուշադրություն հրավիրել` առանձնացնելով երեք հիմնական կետեր:
Քաղաքագետի խոսքով` նախ` Բաքուն ցանկանում է հայ զինծառայողներին ահաբեկիչների կարգավիճակ վերագրել: Երևանում համարում են, որ ռուսական կողմը կնպաստի գերիների արդան փոխանակմանը: Երկրորդը, որ ընդգծել է Եվստրատովը, Հայաստանի և Ադրբեջանի միջև վերջնական սահմանազատման հարցն է:
Նրա խոսքով` Բաքուն հիմնվում է խորհրդային հին քարտեզների վրա: Հայաստանը ներկայումս չի կարող ուժի դիրքերից խոսել, այդ պատճառով էլ Ռուսաստանն է խաղաղության երաշխավորը:
Քննարկումների երրորդ կարևոր կետը քաղաքագետը համարում է Արցախի կարգավիճակը: Նրա խոսքով` եթե Ադրբեջանն իրեն չի համարում Խորհրդային Ադրբեջանի իրավահաջորդը, ապա անհրաժեշտ է տարանջատել Լեռնային Ղարաբաղի սահմանները:
Քաղաքական փորձագետի խոսքով` Երևանը Լեռնային Ղարաբաղի իրավիճակի կարգավորման հարցում Ռուսաստանի կողմից արդար իրավարարութուն է ակնկալում: Հայաստանը տարածքներ է կորցրել, այդ պատճառով, Եվստրատովի գնահատմամբ, երկրում տրամադրությունները ծայրահեղ բացասական են:
Անտոն Եվստրատովը նշում է, որ Հայաստանում մեծ հույսեր են կապում ռուս խաղաղապահների հետ: ՌԴ-ն, նրա կարծիքով, ընկալվում է որպես երկիր, որը կարող է դադարեցնել բռնությունը: Այդ պատճառով Հայաստանը լուրջ չի ընդունում ռուս խաղաղապահներին ամերիկացի դիվանագետներով կամ ՆԱՏՕ-ի ներկայացուցիչներով փոխարինելու հարցերը:
Եվստրատովի խոսքով` Լեռնային Ղարաբաղի հեռանկարները բավականին մշուշոտ են: Ադրբեջանական կողմի սադրանքները շարունակվում են: Անհրաժեշտ է դեօկուպացնել տարածքները: Այդ ժամանակ, քաղաքագետի համոզմամբ, իրադրությունն ավելի պարզ կդառնա:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…