ԱՄՆ-ում կենդանիների կացարանում կատվին գցել են մենախուց՝ կատարած «հանցանքի» համար

Տեխասի Friends For Life կենդանիների կացարանը պատմել է արտասովոր դեպքի մասին: Կազմակերպությունը Քվիլթի կատվին փակել է մենախցում՝ որպես պատիժ մյուս կատուների խցերը բացելու և նրանց դուրս բերելու պատճառով:

Friends For Life-ի ներկայացուցիչը Fox News ալիքին պատմել է, որ Քվիլթին մի քանի «գիշերային ակցիաներ» է իրականացրել: Անձնակազմն առավոտյան աշխատանքի գնալով` նկատել է, որ կատուները շրջում են կենտրոնի գրասենյակային տարածքում՝ ավերելով ամեն ինչ: Սովորաբար նրանց ընդանուր խցում են փակում, բայց տեսահսկման սարքերով հայտնաբերել են, որ Քվիլթին է բացում դուռը:

Աշխատակիցը պատմել է, որ փորձել են ինչ-որ կերպ պայքարել Քվիլթիի «հանցանքի» դեմ, բայց չի հաջողվել: Կենտրոնը գնել է հատուկ մանկական ամրոց, որը տեղադրելուց առաջ «անհետացել է»: Կատվին գցել են «մենախուց», որտեղից նա փախուստի բազմաթիվ փորձեր է կատարել:

«Կրկնահանցագործ կատվին» սոցցանցերում գնահատել են: Օգտատերերը պահանջել են ազատել կատվին, իսկ կացարանը միայն խրախուսել է քննարկումը՝ թողարկելով թեմային վերաբերող #FreeQuilty-ն

Կենտրոնում լրագրողներին պատմել են, որ բազմաթիվ դիմումներ են ստացել` Քվիլթիին իրենց տուն տանելու համար: Բայց կազմակերպությունը նրա ապագա տերերին զգուշացրել է, որ կատվի համար «դռները սարսափելի չեն»: