Հուլիսի 15-ից սեպտեմբերի 15-ն ընկած ժամանակահատվածում օդանավակայանում իրականացվելու են պլանային վերանորոգման աշխատանքներ: Մասնավորապես, իրականացվելու է վազքուղու ամբողջական նորոգում:
«Շիրակ» օդանավակայան / © Inostranno.ru
«Հայաստանի միջազգային օդանավակայաններ» ՓԲԸ-ի հաղորդմամբ` Գյումրու «Շիրակ» օդանավակայանի աշխատանքները ժամանակավորապես դադարեցվելու են: Նշվում է, որ հուլիսի 15-ից սեպտեմբերի 15-ն ընկած ժամանակահատվածում օդանավակայանում իրականացվելու են պլանային վերանորոգման աշխատանքներ: Մասնավորապես, իրականացվելու է վազքուղու ամբողջական նորոգում:
Մամուլում ավելի վաղ տեղեկություններ էին տարածվել, թե Գյումրու «Շիրակ» օդանավակայանում իրականացվում են շինարարարական աշխատանքներ, որպեսզի օդանավակայանը ծառայի նաև ռազմական օդանավերի համար: ՀՄՕ-ն այս կապակցությամբ հայտնում է, որ օդանավակայանի աերոդրոմը մինչ այս համարվել է և այժմ էլ համարվում է համատեղ բազավորման աերոդրոմ` ծառայություններ մատուցելով ինչպես ՀՀ քաղաքացիական ավիացիային, այնպես էլ` ՀՀ պաշտպանության նախարարության ռազմաօդային ուժերի ինքնաթիռներին և ուղղաթիռներին:
Ինչպես հաղորդվում է, շինարարական աշխատանքների ընթացքում օդանավակայանի աշխատանքների ժամանակավոր դադարեցման մասին համապատասխան ավիացիոն մարմինները նախապես տեղեկացվել են` համաձայն Քաղաքացիական ավիացիայի միջազգային կազմակերպության (ICAO) պահանջների:
Գյումրու «Շիրակ» օդանավակայանը գործում է 1961 թվականից և երկրորդն է Հայաստանի Հանրապետությունում: Օդանավակայանի վազքուղին վերջին անգամ կապիտալ նորոգվել էր 2007թ.:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…