ՀԱՊԿ-ի «Որոտ-2021» զորավարժությունը կանցկացվի Հայաստանի տարածքում

Հայաստանում անցկացվելիք ՀԱՊԿ զորավարժությանը ներգրավելու են զրահատեխնիկա, հատուկ ավտոտրանսպորտ, ավիացիա, անօդաչու թռչող սարքեր, ծառայողական-հետախուզական շներ:

Նորություններ

# Զորավարժություններ

# Հայաստան

# ՀԱՊԿ

# Փոխարժեք

ՀԱՊԿ զորավարժություններ / © ОДКБ / Հեղինակ՝ անհայտ, լուսանկարը տրամադրել է օգտատերը

ՀԱՊԿ մամուլի քարտուղար Վլադիմիր Զայնետդինովը հայտնել է, որ հունիսի 1-3-ը Երևանում կայացել են շտաբային բանակցություններ, որոնք վերաբերում են ՀԱՊԿ-ի օպերատիվ արձագանքման կոլեկտիվ ուժերի հատուկ նշանակության ստորաբաժանումների մասնակցությամբ կայանալիք «Որոտ-2021» հատուկ վարժանքների նախապատրաստմանը:

Ինչպես հաղորդվում է, բանակցությունների ընթացքում կայացված որոշման համաձայն` «Որոտ-2021» զորավարժությունները տեղի են ունենալու Հայաստանի Հանրապետության տարածքում: Երկու փուլով անցկացվելիք վարժանքներին ներգրավելու են զրահատեխնիկա, հատուկ ավտոտրանսպորտ, ավիացիա, անօդաչու թռչող սարքեր, ծառայողական-հետախուզական շներ:

Նշվում է, որ բանակցություններին մասնակցել են Հայաստանի ոստիկանության, շահագրգիռ այլ նախարարությունների ու մարմինների, Բելառուսի, Ղրղզստանի, Ռուսաստանի ներքին գործերի նախարարությունների ներքին զորքերի, Տաջիկստանի նախագահի ենթակայությամբ գործող` թմրամիջոցների վերահսկման գործակալության և ՀԱՊԿ քարտուղարության ներկայացուցիչներ:

Վրիպա՞կ գտաք։ Նշեք հատվածը և սեղմեք Ctrl + Enter։