«Շիրակ» օդանավակայանի աշխատանքները 2 ամսով կդադարեցվեն

Հուլիսի 15-ից սեպտեմբերի 15-ն ընկած ժամանակահատվածում օդանավակայանում իրականացվելու են պլանային վերանորոգման աշխատանքներ: Մասնավորապես, իրականացվելու է վազքուղու ամբողջական նորոգում:

Նորություններ

# Գյումրի

# Շինարարություն

# Օդանավակայաններ

«Շիրակ» օդանավակայան / © Inostranno.ru / Հեղինակ՝ անհայտ, լուսանկարը տրամադրել է օգտատերը

«Հայաստանի միջազգային օդանավակայաններ» ՓԲԸ-ի հաղորդմամբ` Գյումրու «Շիրակ» օդանավակայանի աշխատանքները ժամանակավորապես դադարեցվելու են: Նշվում է, որ հուլիսի 15-ից սեպտեմբերի 15-ն ընկած ժամանակահատվածում օդանավակայանում իրականացվելու են պլանային վերանորոգման աշխատանքներ: Մասնավորապես, իրականացվելու է վազքուղու ամբողջական նորոգում:

Մամուլում ավելի վաղ տեղեկություններ էին տարածվել, թե Գյումրու «Շիրակ» օդանավակայանում իրականացվում են շինարարարական աշխատանքներ, որպեսզի օդանավակայանը ծառայի նաև ռազմական օդանավերի համար: ՀՄՕ-ն այս կապակցությամբ հայտնում է, որ օդանավակայանի աերոդրոմը մինչ այս համարվել է և այժմ էլ համարվում է համատեղ բազավորման աերոդրոմ` ծառայություններ մատուցելով ինչպես ՀՀ քաղաքացիական ավիացիային, այնպես էլ` ՀՀ պաշտպանության նախարարության ռազմաօդային ուժերի ինքնաթիռներին և ուղղաթիռներին:

Ինչպես հաղորդվում է, շինարարական աշխատանքների ընթացքում օդանավակայանի աշխատանքների ժամանակավոր դադարեցման մասին համապատասխան ավիացիոն մարմինները նախապես տեղեկացվել են` համաձայն Քաղաքացիական ավիացիայի միջազգային կազմակերպության (ICAO) պահանջների:

Գյումրու «Շիրակ» օդանավակայանը գործում է 1961 թվականից և երկրորդն է Հայաստանի Հանրապետությունում: Օդանավակայանի վազքուղին վերջին անգամ կապիտալ նորոգվել էր 2007թ.:

Վրիպա՞կ գտաք։ Նշեք հատվածը և սեղմեք Ctrl + Enter։