Էրդողանը նշել է, թե «հուսադրող գործընթացն» ավելի խորությամբ կընթանա, եթե Ադրբեջանն ու Հայաստանը հեռանկարային խաղաղ համաձայնություն կնքեն: Խաղաղության դիմաց Էրդողանը Հայաստանին առաջարկում է միջանցք տրամադրել և Արցախը ճանաչել որպես Ադրբեջանի մաս:
Շուշի / © Baku.ws
Հունիսի 15-ին Ադրբեջանի և Թուրքիայի նախագահներն օկուպացված Շուշիում երկու երկրների միջև դաշնակցային հարաբերությունների վերաբերյալ արձանագրություն են ստորագրել: Ստորագրումից հետո Ալիևն ու Էրդողանը հայտարարություններով են հանդես եկել: Առանձնացնենք, մասնավորապես, վերջինի խոսքերը, որոնք վերաբերում են Հայաստանին:
Թուրքիայի նախագահը նշել է, որ ցանկանում են աշխարհագրական հարևանությունը վերածել առավել խորը համագործակցության: Նա հույս է հայտնել, որ Հայաստանը կընդունի «բարի կամքի և համերաշխության ձեռքը» և արդյունավետ կերպով կօգտվի միասին ընդհանուր ապագա կառուցելու հնարավորությունից:
Էրդողանը Երևանին կոչ է արել օգտվել տարածաշրջանային համագործակցության «Վեցի հարթակի» հնարավորություններից (վեց երկրներն են` Ռուսաստանը, Թուրքիան, Ադրբեջանը, Հայաստանը, Վրաստանը և Իրանը): Առաջարկն ընդունելու դեպքում նա խոստանում է իր ներդրումն ունենալ Հայաստանի հետ հարաբերությունների կարգավորման գործում:
Էրդողանը նաև նշել է, թե այդ հուսադրող գործընթացն ավելի խորությամբ կընթանա, եթե Ադրբեջանն ու Հայաստանը հրադադարի մասին հայտարարությունը եզրափակեն համապարփակ և հեռանկարային խաղաղ համաձայնությամբ:
Դատելով Ալիևի հայտարարությունում Թուրքիայի նախագահի հետ «Զանգեզուրի միջանցքի» մասին համաձայնության շեշտադրումից` համարվում է, որ խաղաղության դիմաց Էրդողանը Հայաստանին առաջարկում է լուռ համաձայնվել տրամադրել այդ միջանցքը սեփական ինքնիշխան տարածքի հաշվին և Արցախը ճանաչել որպես Ադրբեջանի մաս:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…