Առնետների վրա փորձարկումները ցույց են տվել, որ սուրճի և մատեի թեյի օգտագործումն օգնում է ազատվել ավելորդ քաշից, թեև այն կարող է մարդկանց դեպքում է և միանշանակ չլինել:
Մի շարք փորձագետներ գիրացումն ու ավելորդ քաշն իրավացիորեն անվանում են 21-րդ դարի չարիք: Ռուսաստանում և եվրոպական շատ երկրներում գիրացմամբ տառապում է բնակչության մոտ 20%-ը: ԱՄՆ-ում այդ ցուցանիշը 36% է: Եվ ոչ մի կասկած չկա, որ գենց գիրացումն է պատճառ դառնում օրգանիզմում մի շարք բացասական գործընթացների առաջացմանը և կարող է հանգեցնել լուրջ հիվանդությունների:
Մի շարք հանգամանքների շարքում ավելորդ քաշի պատճառ են համարվում քիչ շարժվելն ու սխալ սնվելը: Ընդ որում՝ վերջին տարիներին գիտնականները շեշտը դնում են հենց վերջինի վրա. իրավիճակը բարդացնում են քաղցր ըմպելիքները: Ամենայն հավանականությամբ՝ հրաշագործ միջոց չի գտնվի, բայց մի շարք առանձին միջոցների վրա գիտնականները վաղուց ուշադրություն են հրավիրում:
Իլինոյսի համալսարանի հետազոտողները 1 ամսվա ընթացքում առնետներին վնասակար սնունդ են տվել՝ 40-45% ածխաջրի և 15% սպիտակուցի պարունակությամբ: Մյուս մասը ճարպ է եղել: Առնետների մի մասին խմեցրել են մատե թեյ, սինթետիկ կոֆեին և սուրճից առանձնացված կոֆեին: Մարդկային նորմերով այն մոտավորապես օրական 4 բաժակ սուրճի է հավասար:
Հետազոտությունը ցույց է տվել, որ կոֆեինը, անկախ աղբյուրից, 20-41%-ով կրճատել է ճարպի կուտակումը ճարպային բջիջներում՝ ի տարբերություն համեմատական խմբի: Արդյունքում՝ կոֆեինով սնված առնետները միջինում 16%-ով քիչ քաշ են հավաքել և 22%-ով քիչ ճարպ:
Գիտնականներն այս տվյալների պատճառը համարում են կոֆեինի ներգործությունը որոշ գեների վրա, մասնավորապես՝ Fasn-ի, որը պատասխանատու է ճարպաթթուների սինթազի ձևավորման համար: Վերջիններս մուլտիֆունկցիոնալ ֆերմենտներ են կամ մակրոմոլեկուլյար համալիրներ, որոնք սինթեզում են ճարպաթթուները:
Հարկ է նշել, որ ավելորդ քաշից ազատվելու հարցում թեյի և սուրճի օգտակարության մասին գիտնականները վաղուց են խոսում: Վերջին ուսումնասիրություններից մեկում մասնագետները հաստատել են, որ սուրճն օրգանիզմին օգնում է արտադրել մուգ ճարպեր, որոնց հիմնական գործառույթը կալորիաների այրման միջոցով ջերմության արտադրում է:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…