Աֆղանստանի ժողովրդական դիմակայության ճակատի ուժերը Ահմադ Մասուդի գլխավորությամբ չորս շրջան են ազատագրել Բադախշանում, որտեղ ավելի քան 200 թալիբներ գերի են ընկել:
«Գրադ» կայանք / © Northern Alliance
Աֆղանստանի ժողովրդական դիմակայության ճակատի (NRF) թվիթերյան էջում տեղեկություն է հրապարակվել, ըստ որի` նախորդ գիշերվա ընթացքում Պանջշերի մոտակայքում թեժ մարտեր են ընթացել: Ահաբեկչական հռչակված «Թալիբանը», որն Աֆղանստանում իշխանափոխություն է իրականացրել, չորս ուղղություններով հարձակվել է Պանջշերի շրջանի վրա` գործի դնելով լավագույն ուժերն ու ծանր հրետանին, սակայն անհաջողության է մատնվել` կրելով մեծ թվով կորուստներ:
Հաղորդվում է, որ դիմակայության ուժերը Ահմադ Մասուդի գլխավորությամբ չորս շրջան են ազատագրել Բադախշանում, որտեղ ավելի քան 200 թալիբներ գերի են ընկել: Թալիբները Հավաքայում երկու ուղղությամբ հայտնվել են շրջափակման մեջ. դիմակայության ուժերն Անդարաբի և Շոթուլ նահանգի կողմից` թիկունքից, գրոհել են թալիբների դիրքերը:
Փարվան նահանգի ռազմավարական Սալանգ շրջանը և Փարվան-Չարիքար նահանգի մայրաքաղաքը ներկայումս Դիմակայության վերահսկողության ներքո են:
Միաժամանակ նշվում է, որ Թահար նահանգում, որն Ահմադ Շահ Մասուդի օրոք դիմակայության ուժերի կենտրոնն է եղել, ապստամբել է թալիբների դեմ:
UPD 1. Հակասական տեղեկություններ են ստացվում. «Թալիբանը» հայտարարում է Փանջշերի գրավման մասին և Քաբուլի իրենց կողմնակիցներին կոչ անում հաղթանակը տոնել առանց կրակոցների, մինչդեռ Դիմակայությունը հերքում է այդ լուրերը:
UPD 2. Փանջշերի դիմակայության ուժերի առաջնորդը հերքել է թալիբների հաջողության մասին լուրերը` նշելով, որ դրանք տարածվում են պակիստանյան ԶԼՄ-ներում:
Նշենք նաև, որ Փանջշերի անկման մասին տեղեկություններն ակտիվորեն տարածում են նաև թուրքական կայքերը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…