Ռուսաստանցիներն աշնանն ամենաշատը դեպի Հայաստան են ուղևորվելու — Շեշտ.am (shesht.am)
2 րոպե
Խմբագրություն

Ռուսաստանցիներն աշնանն ամենաշատը դեպի Հայաստան են ուղևորվելու

Սեպտեմբերի 1-ից մինչև հոկտեմբերի 15-ն ընկած ժամանակահատվածում ցանկալի ուղղությունների շարքում Հայաստանն առաջին հորիզոնականում է:

Ռուս զբոսաշրջիկները Զվարթնոց օդանավակայանում / © Кавказский Узел

Պարզվել է, որ աշնանը ռուսաստանցիներն ամենաշատը նախընտրում են այցելել հետխորհրդային երկրներ, ընդ որում` Հայաստանը ռուսների համար նախընտրելի ուղղությունների շարքում առաջին հորիզոնականում է:

Հայաստանից հետո ամենանախընտրելի ուղղությունը ռուսաստանցիների համար Ղրղզստանն է: Սեպտեմբերի 1-ից մինչև հոկտեմբերի 15-ն ընկած ժամանակահատվածում ցանկալի ուղղությունների շարքում երրորդը Թուրքիան է, ապա` Ադրբեջանը: Մոլդովան եզրափակում է ուղևորության համար նախընտրելի երկրների հնգյակը:

Հաղորդվում է, որ դեպի նախընտրելի երկրներ նշված ժամանակահատվածում ուղևորությունների հիմնական նպատակը գործնական և մասնավոր այցերն են:

Հայտնի է նաև, որ հանգստի նպատակով ռուսաստանցիները դեպի արտասահման տոմսեր այս տարի ավելի քիչ են գնում. այդ ուղղությամբ ամրագրումներն ընդհանուր միայն 5%-ն են կազմում: Նշվում է, որ կորոնավիրուսային համավարակից առաջ հանգստացողների 20-25%-ն էր արտերկիր մեկնում:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.