Հայաստանում Իրանի դեսպան Ա.Բ.Զոհուրին շեշտել է. «Հզոր և հարուստ Հայաստանը պարծանք է հարևան երկրի համար»: Նա վստահություն է հայտնել, որ այսուհետ Հայաստանի և Իրանի հարաբերություններն ավելի կզարգանան:
Երևանում կայացել է ՀՀ Առողջապահության նախարարի և Հայաստանում ԻԻՀ դեսպանի հանդիպումը, որին ներկա է եղել նաև դեսպանության տնտեսական հարցերով փորձագետ Սեյեդ Ռեզա Նուրաիին: Կողմերը նոր առաջարկներ են արել Հայաստանի և Իրանի առողջապահական ոլորտներում գործունեություն ծավալելու առնչությամբ:
Նախարար Թորոսյանը և դեսպան Զոհուրին քննարկել են դեղերի և բժշկական սարքերի միասնական արտադրություն սկսելու հարցը: Պայմանավորվածություն է ձեռք բերվել փորձի փոխանակման նպատակով երկու երկրների առողջապահության նախարարությունների ներկայացուցիչների, բժիշկների և բուժանձնակազմերի միջև տեսակոնֆերանսներ կազմակերպել Covid-19-ի համավարակի բուժման ընթացակարգերի վերաբերյալ:
Դեսպան Աբբաս Բադախշան Զոհուրին նշել է, որ առողջապահության ոլորտը պետք է շարունակի աշխատել՝ անկախ երկրում ստեղծված պայմաններից: Նա պատրաստակամություն է հայտնել ավելի ամրապնդել այս ոլորտում համագործակցությունը և հույս է հայտնել, որ համատեղ պայքարի արդյունքում Իրանն ու Հայաստանը կկարողանան հաղթահարել համավարակը:
Կորոնավիրուսային վարակի դեմ պայքարի շրջանակներում Իրանի Իսլամական Հանրապետության կողմից Հայաստանին մարդասիրական օգնություն է տրամադրվել, ինչի կապակցությամբ Թորոսյանը շնորհակալություն է հայտնել հարևան երկրի դեսպանին:
Աբբաս Բադախշան Զոհուրին իր հերթին շեշտել է. «Հզոր և հարուստ Հայաստանը պարծանք է հարևան երկրի համար»: Նա վստահություն է հայտնել, որ այսուհետ Հայաստանի և Իրանի հարաբերություններն ավելի կզարգանան: Դեսպանը նաև ցանկություն է հայտնել, որ Հայաստանը մեծ հաջողություններ ունենա և համագործակցության արդյունքում հնարավորինս զարգացնի առողջապահական ոլորտը` հասցնելով իր գագաթնակետին: Համագործակցության ընթացքում շոշափելի արդյունքին Զոհուրին ակնկալում է հասնել առաջիկա 5-6 ամիսների ընթացքում:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…