Ռուսաստանի Դաշնության Ներքին գործերի նախարարությունն առաջարկել է աշխատանքային միգրանտների համար ֆիքսված կանխավճարային հարկը դարձնել էլեկտրոնային, պարտավորությունները չկատարելու դեպքում արգելել աշխատել Ռուսաստանում կամ արտաքսել երկրից:
Հարկը վճարելու համար աշխատակիցը պետք է էլեկտրոնային արտոնագիր լրացնի: Հարկը չվճարելու դեպքում նրան սկզբում ծանուցում է ուղարկվելու՝ 15 օրվա ընթացքում պարտավորությունները կատարելու պահանջով: Հրաժարվելու դեպքում իշխանությունները կարող են նրան արգելել աշխատել Ռուսաստանում կամ արտաքսել երկրից:
Միգրանտների գործատուները պարտավորվում են գրանցվել հատուկ կայքում և լրացնել հայտարարություն՝ օտարերկրյա աշխատուժ ներգրավող գործատուների ռեեստրում ընդգրկվելու մասին: Աշխատողների իրավունքների պաշտպանության համար իշխանությունները նախատեսում են ստեղծել անբարեխիղճ գործատուների առանձին ռեեստր:
Օրինագծի հեղինակներն առաջարկում են Ռուսաստան ժամանող աշխատանքային միգրանտներից մատնահետք վերցնել և ստեղծել հատուկ ID քարտեր՝ օտարերկրացիների անձնական տվյալներով: Հաղորդվում է, որ օրենքի նախագծում նկարագրվելու են օտարերկրացիներին աշխատանքի ընդունման պայմանները, օրինակ՝ վարձատրության չափը չպետք է գերազանցի տվյալ ոլորտի միջին աշխատավարձից:
Ֆիքսված կանխավճարային վճարն աշխատանքային միգրանտների համար գործում է 2015թ.-ից, առանց դրա հնարավոր չէ աշխատանքային արտոնագիր ստանալ: Նշվում է, որ ներկայումս ՆԳՆ-ն ցանկանում է այդ արտոնագիրը դարձնել էլեկտրոնային, բայց վճարի չափի փոփոխություն չի նախատեսվում:
Արտոնագրի գործողության ժամկետը 12 ամիս է: Արժեքը կախված է շրջանից: Մոսկվայում, օրինակ, վճարի չափը 5341 ռուբլի է (ամսական), Մերձմոսկվայում՝ 5092 ռուբլի, Սանկտ Պետերբուրգում՝ 3993 ռուբլի: Հաղորդվում է, որ 2019թ. առաջին կիսամյակում աշխատանքի նպատակով 2,4 մլն օտարերկրացի է ժամանել Ռուսաստան: Աշխատանքային միգրանտների մեծ մասն ԱՊՀ երկրներից են: Առաջին եռյակում են Ուզբեկստանը, Տաջիկստանը և Ղրղզստանը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…