Տարոն Հովհաննիսյանի համոզմամբ` Բաքուն ոչ թե խաղաղության պայմանագիր է ցանկանում կնքել, այլ` Հայաստանի օկուպացրած տարածքների փաստացի օրինականացում` լարվածություն առաջացնելով նաև խափանելով խաղաղ բանակցությունները վերսկսելու` համանախագահ երկրների դիրքորոշումը:
«Օրբելի» կենտրոնի վերլուծաբան Տարոն Հովհաննիսյանի համոզմամբ` Բաքուն իր գործողություններով տորպեդահարում է Ռուսաստանի միջնորդական ջանքերը:
ՀՀ պաշտպանության նախարարությունը հայտարարել էր, որ Մոսկվայում նախատեսված են հայ-ադրբեջանական բանակցություններ: Հովհաննիսյանի խոսքով` Ադրբեջանն իր գործողություններով փորձում է խուսափել խաղաղ բանակցություններից, ինչին ուղղված են միջնորդ համանախագահների ջանքերը: Վերլուծաբանը վստահ է, որ հենց այդ նպատակով է ադրբեջանական կողմը սահմանին լարվածություն ստեղծում:
Բացի այդ, ինչպես նշվում է, Բաքվի իշխանությունները փորձում են Հայաստանի նկատմամբ ճնշում գործադրել` սահմանագծման և սահմանազատման հարցերում զիջումներ կորզելու նպատակով:
Հովհաննիսյանը մատնանշում է Ադրբեջանի գործողությունների ակնհայտ հակասությունները, որը մի կողմից խաղաղության պայմանագիրը ստորագրելու կոչ է անում, մյուս կողմից` նախապայմաններ է առաջ քաշում` խափանելով այդ գործընթացը:
Փաստացի, վերլուծաբանի խոսքով, ադրբեջանցիները ոչ թե խաղաղության պայմանագիր են ցանկանում, այլ` այնպիսի փաստաթղթի ստորագրում, որը դե-ֆակտո կօրինականացնի Հայաստանի ինքնիշխան տարածքի օկուպացիան: Այսինքն, Բաքուն միակողմանի զիջում է պահանջում` այդ նպատակով ճնշում գործադրելով:
Տարոն Հովհաննիսյանի խոսքով, սակայն, խաղաղության պայմանագրի նախապատրաստումը ծավալուն գործընթաց է, որը բավականին շատ ժամանակ ու ջանքեր է պահանջում, իսկ կոնսենսուսի հասնելու համար շարունակական հանդիպումներ են պահանջվում:
Բայց նախ Ադրբեջանը պետք է հրաժարվի ագրեսիվ քաղաքականությունից, զորքերը հեռացնի Հայաստանի տարածքից, պայմաններ ստեղծի ապագա քննարկումների համար: Տեսականորեն դա թույլ կտա որոշակի արդյունք գրանցել, այդ թվում` խաղաղության պայմանագրի տեսքով:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…