Թուրքիայում հերքել են Ադրբեջանի հետ թյուրքական համատեղ բանակի ստեղծման մասին լուրը
Թուրքիայի խորհրդարանի խոսնակը հայտարարել է, որ չի խոսել Բաքվի և Անկարայի միջև թյուրքական համատեղ բանակի ստեղծման շուրջ բանակցությունների մասին: Նշվել է, որ ադրբեջանական աղբյուրը թուրք պաշտոնյայի խոսքերը «սխալ է թարգմանել»:
Թուրքիայի խորհրդարանի խոսնակը հայտարարել է, որ չի խոսել Բաքվի և Անկարայի միջև թյուրքական համատեղ բանակի ստեղծման շուրջ բանակցությունների մասին: Նշվել է, որ ադրբեջանական աղբյուրը թուրք պաշտոնյայի խոսքերը «սխալ է թարգմանել»:
Հիշեցնենք, որ Բաքվի լրատվամիջոցներից մեկում ավելի վաղ տեղեկություն էր տարածվել, թե Մուստաֆա Շենթոփը` Թուրքիայի խորհրդարանի խոսնակը, հայտարարել է թյուրքական համատեղ բանակի ստեղծման վերաբերյալ Բաքվի և Անկարայի միջև ընթացող բանակցությունների մասին:
Հաղորդվում է, որ մամուլի ասուլիսի ժամանակ թյուրքական միացյալ բանակի ստեղծման հնարավորության մասին հարցին ի պատասխան` Շենթոփը նշել էր, որ ներկայումս պայմանավորվածությունների հիման վրա երկու երկրների զինվորականների մասնակցությամբ համատեղ զորավարժություններ են ընթանում:
Թուրք պաշտոնյան, ինչպես նշվում է, կրկին հիշատակել է «մեկ ազգ, երկու պետություն» սկզբունքի մասին` շեշտելով, որ այդ գաղափարի հիման վրա Թուրքիայի և Ադրբեջանի միջև բազմաթիվ պայմանավորվածություններ են ձեռք բերվել:
Մեկնաբանությունները