Հոգեբանները վիրտուալ իրականության համակարգի փորձարկում են նախապատրաստում: Դրանում գտնվողները պետք է վերապրեն այն զգացումը, որն ունենում են Երկիրը տիեզերքից տեսնող տիեզերագնացները:
Ուղեծրում կամ Լուսնի վրա եղած մարդիկ, ովքեր երկրագունդը տեսել են վերևից, ուշադրություն են հրավիրում նրա փխրունության վրա ու, դրանով պայմանավորված, մեր մոլորակի կարևորության վրա: Յու.Գագարինն, օրինակ, նշել է, որ Երկիրը տիեզերանավ-արբանյակից անչափ գեղեցիկ է՝ կոչ անելով պահպանել այդ գեղեցկությունը, բազմապատկել այն, և ոչ թե՝ ոչնչացնել: Apollo 14-ի տիեզերագնաց Էդգար Միտչելը հայտարարել է, որ քաղաքական գործիչներին պետք է «նետել նետել լուսնի վրա», որպեսզի նրանք տեսնեն այդ երևույթն ու զգան աշխարհի գեղեցկությունն ու առանձնահատկությունը, որի ճակատագիրը կախված է իրենցից:
Հնարավոր է՝ դրա համար ոչ մեկի ոչ մի տեղ «չնետել»: Գիտնականներն աշխատում են համակարգի վրա, որը թույլ կտա վերստեղծել «դիտման էֆեկտը» հենց Երկրից՝ վիրտուալ իրականությունում: Այդ համակարգի փորձարկումներին պատրաստվում է Միսուրիի համալսարանի գիտնականների խումբը: Հոգեբանների խմբի ղեկավար Ստիվեն Պրատշերը նշել է, որ մարդկանց միջև պահպանվոմ են տարանջատոմը, բևեռացոմը և անհասկացվածությունը: Նրա խոսքով՝ «դիտման էֆեկտը» կարող է ազդել դրա վրա:
Նոր համակարգի մշակման համար նախատեսվում է հավաքել 100-ավոր կամավորների, ովքեր մուտք կգործեն սենսորային դեպրիվացիայի («զգացումը կորցնելու») խուցը: Տաք հեղուկը անկշռելիության զգացում է տալիս, իսկ կատարյալ մթության և լռության մեջ ցուցադրվելու է կալիֆորնիական SpaceVR ստարտապի կողմից ուղեծրում արված բարձրորակ նկարը՝ 360 աստիճան: Կամավորների մի մասը կանցնի ամբողջական տարբերակը, իսկ ստուգիչ խմբերը կմտնեն սովորական սենսորային դեպրիվացիայի խուցը՝ դիտելով միևնույն պատկերը, բայց անկողնում պառկած:
Սեսիայից առաջ և հետո կամավորները լրացնելու են հարցաթերթիկ: Բացի այդ, գիտնականները նախատեսում են էլեկտրոէնցեֆալոգրաֆիայի օգնությամբ հետևել նրանց ուղեղի ակտիվությանը՝ հույս ունենալով, որ կնկատեն էմոցիոնալ անհանգստությունները: Ստիվեն Պրատշերը նշել է, որ մարդկությունը ներկայումս Երկրի նկատմամբ պոտենցիալ անդառնալի ներգործություն է իրականացնում: Նրա կարծիքով՝ անհրաժեշտ է «արթնացնել» մարդկանց, ցույց տալ, որ դեռևս շատ բան է հնարավոր ձեռնարկել՝ մոլորակը փրկելու, շրջակա միջավայրը պահպանելու և առավել ներդաշնակ կյանքի համար:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…