Հայաստանի կողմից ՍՈւ-30ՍՄ-ի ձեռքբերումը համարել են «Ադրբեջանի համար վատ նորություն»

Մալթացի վերլուծաբանի խոսքով՝ քանի դեռ Հայաստանը դառնում է 4+ սերնդի կործանիչների օպերատոր, Ադրբեջանը փորձում է շահագործման մեջ պահել խորհրդային արտադրության ՄիԳ-29-ները:

Նորություններ

# Ադրբեջան

# ԱԺ

# Բաբաք Թաղվեյ

# Գեղարգունիք

# Ռազմաօդային ուժեր

# օգնության

Նիկոլ Փաշինյանը՝ ՍՈւ-30ՍՄ-ի խցիկում / ©gov.am / Автор: неизвестен, фото предоставлено пользователем

Մալթացի վերլուծաբան Բաբաք Թաղվեյը հայտարարել է, որ Հայաստանի Ռազմաօդային ուժերը, Ռուսաստանից գնելով ՍՈւ-30ՍՄ կործանիչները, Անդրկովկասի օդային տարածությունում գերակայություն են ձեռք բերել:

Նրա խոսքով՝ Հայաստանի կողից 4 նոր, գերժամանակակից բազմաֆունկցիոնալ ինքնաթիռների ձեռքբերումը վատ նորություն է Ադրբեջանի համար:

https://twitter.com/BabakTaghvaee/status/1211039673063280643

Վերլուծաբանի խոսքով՝ քանի դեռ Հայաստանը դառնում է 4+ սերնդի կործանիչների օպերատոր, Ադրբեջանը փորձում է շահագործման մեջ պահել իր ՄիԳ-29-ները: Թաղվեյը նշել է, որ Ադրբեջանի ՌՕՈւ-ն այսպիսի առաջադեմ կործանիչներ չեն կարող գնել ոչ Ռուսաստանի, որ Արևմուտքից: Նրանց միակ համարժեքը չինական JF-17-ն է:

Առաջին 4 ՍՈւ-30ՍՄ կործանիչները Հայաստան են առաքվել դեկտեմբերի 27-ին: Վարչապետ Նիկոլ Փաշինյանը և Պաշտպանության նախարար Դավիթ Տոնոյանն Էրեբունի օդանավակայանում դիմավորել են ինքնաթիռները և նստել դրանցից մեկի խցիկը: Փաշինյանն այս կործանիչներն անվանել է տարվա լավագույն ձեռքբերումը: Հաղորդվել է, որ հայկական Զինված ուժերը պատրաստվում են գնել ևս 8 ՍՈւ-30ՍՄ: Մինչ այդ ՀՀ ԶՈւ-ի ամենաառաջադեմ ինքնաթիռը 2000-ականներին գնված ՍՈւ-27-ն էր:

https://www.facebook.com/nikol.pashinyan/videos/585156175551495/

Ադրբեջանական Ռազմաօդային ուժերի կործանիչ ավիացիան բաղկացած է հիմնականում խորհրդային արտադրության ՄիԳ-29-երից՝ մեծ մասն Ուկրաինայից գնված: Հայկական կողմի գնումներից հետո տեղեկություններ են տարածվել, թե Բաքուն մտադիր է Ռուսաստանից գնել ավելի կատարելագործված՝ 5-րդ սերնդի ՍՈւ-57 ինքնաթիռները: Հաղորդվել է, որ այդ ուղղությամբ քննարկումներն ընթանում են բարձր մակարդակով:

ՍՈւ-30ՍՄ (սերիական մոդեռնիզացված) կործանիչները բազմաթիրախ են, նախատեսված օդում գերակայության հասնելու համար: Այս մոդելն իրենց զինանոցում ունեն ինչպես մոտ դաշնակիցները՝ Բելառուսը, Ղազախստանը, Չինաստանը, այնպես էլ հեռավոր Վենեսուելան, Հնդկաստանը, Ինդոնեզիան, Մալայզիան և աֆրիկյան մի շարք երկրներ:

Нашли опечатку? Выделите фрагмент и нажмите Ctrl + Enter.