Բանաձևը հաստատում է, որ Երկրորդ համաշխարհային պատերազմը հրահրել է ոչ միայն նացիստական Գերմանիան, այլև կոմունիստական Խորհրդային Միությունը:
Եվրոպական խորհրդարան / ©politico.eu
«Եվրոպական հիշողության կարևորությունը Եվրոպայի համար» գլխագրով բանաձևն ընդունվել է Երկրորդ համաշխարհային պատերազմի մեկնարկի 80-ամյակին: Եվրոպական խորհրդարանը բանաձևն ընդունել է 535 կողմ և 66 դեմ ձայների հարաբերակցությամբ:
Փաստաթղթում քննադատվում է պատմական ռևիզիոնիզը և ԵՄ անդամ-պետություններում նացիստական կոլլաբորացիոնիստների փառաբանումը: Ստրասբուրգը նաև անհանգստություն է հայտնել արմատական գաղափարների պոպուլյարության աճով և ֆաշիզիմին, ռասիզմին, քսենոֆոբիային կամ ԵՄ-ում այլ անհանդուրժողական գաղափարների տարածմամբ:
Ընդունված բանաձևում մեծ տեղ է հատկացված ԽՍՀՄ ղեկավարության վարած քաղաքականության կտրուկ քննադատությանը: Օրինակ, փաստաթղթում հաստատվում է, որ Երկրորդ համաշխարհայինը հրահրել են Մոլոտով-Ռիբենտրոպ պակտը ստորագրած Գերմանիան և ԽՍՀՄ-ը:
Բանաձևում նշվում է, որ 80 տարի առաջ օգոստոսի 23-ին Խորհրդային Միությունը և նացիստական Գերմանիան ստորագրել են չհարձակման մասին պայմանագիրը և դրա գաղտնի արձանագրությունները, որոնցով Եվրոպայի և անկախ պետությունների տարածքները բաժանվեցին երկու բռնապետությունների միջև: Այդ տարածքները խմբավորվեցին նրանց հետաքրքրությունների ոլորտներում, ինչը հանգեցրեց Համաշխարհային պատերազմի մեկնարկին:
ԵԽ-ը հաստատում է այս փաստաթղթում, որ ԽՍՀՄ-ն այն ժամանակ օկուպացրել է Բալթյան երկրները և Լեհաստանի տարածքի մի մասը, հրահրել պատերազմը Ֆինլանդիայում: Տեքստում նշվում է, որ եթե գերմանական վերնախավը պատժվել է Նյուրնբերգյան գործընթացի շրջանակներում, ապա անհրաժեշտություն կա գնահատական տալ նաև ստալինիզմին և այլ դիկտատուրաներին:
Հիշեցնենք, որ վերջերս ՌԴ ՊՆ-ը հրապարակել էր Մոլոտով-Ռիբենտրոպ պակտին և այդ շրջանում ռազմական իրադրությանը վերաբերող գաղտնազերծված փաստաթղթեր:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…