ՌԴ ՊՆ-ը գաղտնազերծել է Մոլոտով-Ռիբենտրոպ պակտի փաստաթղթերը — Շեշտ.am (shesht.am)
5 րոպե
Խմբագրություն

ՌԴ ՊՆ-ը գաղտնազերծել է Մոլոտով-Ռիբենտրոպ պակտի փաստաթղթերը

Հրապարակվել են Գերմանիայի և ԽՍՀՄ միջև 1939թ. կնքված Չհարձակման մասին պայմանագրին և այդ շրջանի ռազմական իրավիճակին վերաբերող գաղտնազերծված փաստաթղթեր:

Չհարձակման մասին պայմանագրի ստորագրում / ©rbc.ru

Մոլոտով-Ռիբենտրոպի պակտը հանդիսանում է ամենահակասական, հաճախ քննադատությունների ենթարկվող քաղաքական համաձայնություններից մեկը: Այն ստորագրվել է Գերմանիայի և ԽՍՀՄ միջև՝ Երկրորդ համաշխարհային պատերազմից առաջ՝ 1939թ. օգոստոսի 23-ին: Համաձայնագիրը ստորագրել են երկու երկրների արտաքին գործերի գերատեսչությունների ղեկավարները՝ Վյաչեսլավ Մոլոտովը և Իոահիմ ֆոն Ռիբենտրոպը:

Փաստաթղթի համաձայն՝ կողմերը պայմանավորվում են չհարձակվել միմյանց վրա և պահպանել չեզոքություն՝ կողմերից մեկի վրա երրորդ երկրի կողմից ռազմական հարձակման ենթարկվելու դեպքում: Գաղտնի հավելվածով սահմանվում էին ազդեցության գոտիներն Արևելյան Եվրոպայում: Նախատեսվում էր, որ Ֆինլանդիան, Լատվիան և Էստոնիան, ինչպես նաև Լեհաստանի տարածքի արևելյան հատվածը, Բեսարաբիայի մի մասն անցնում են ԽՍՀՄ հետաքրքրությունների տիրույթը: Լիտվան և Արևմտյան Լեհաստանը համարվում էին Ռեյխի հետաքրքրությունների տարածք:

Այժմ ՌԴ Պաշտպանության նախարարությունն առաջին անգամ գաղտնազերծել է Չհարձակման մասին պայմանագրի փաստաթղթերի շարք: Դրանցից մեկում՝ Խորհրդային իշխանություններին ուղղված հաղորդագրությունում նշում է, որ ուկրաինական ժողովուրդը խորհրդային բանակին դիմավորում է որպես իսկական ազատարարի: Կարմիր բանակի գլխավոր քաղկառավարման ղեկավար Լև Մեխլիսը գրել է տեղացիների անկեղծ խանդավառության, ինչպես նաև նրանց կողմից Լեհաստանի առանձին զինվորական միավորումների զինաթափման մասին:

Գաղտնագրերից մեկը / ©mil.ru

Գիտական հետաքրքրություն է ներկայացնում Բանվորագյուղացիական Կարմիր բանակի գլխավոր շտաբի պետի՝ 1938թ. մարտի 24-ի զեկուցագիրն՝ ուղղված բանակի առաջին ռանգի հրամանատար Բ.Մ.Շապոշնիկովին: Դրանում ներկայացված է տիրող քաղաքական իրավիճակը և հնարավոր հակառակորդների, այդ թվում՝ Իտալիայի և Գերմանիայի կողմից հնարավոր գործողությունները: Ներկայացված տվյալների հիման վրա ՊՆ-ը եզրակացրել է, որ 1938-1939թթ. խորհրդային ռազմական քաղաքականության աներկբա առաջնահերթությունը մնում է հակաֆաշիստական ռազմական դաշինքը ձևավորումը:

Բ.Մ.Շապոշնիկովին ուղղված զեկուցագիր / ©mil.ru

Գաղտնազերծված փաստաթղթերի շարքում հնարավոր է գտնել 1939թ. Լեհաստանի վրա հարձակված գերմանական երկրորդ բանակային կորպուսի ռազմական գործողությունների նկարագրությունը: Այս հատվածը պատերազմի ավարտից հետո նկարագրել է ռազմագերի, գերմանական բանակի գեներալ-լեյտենանտ Հերման Բյոմեն:

Լեհաստանում գերմանական 2-րդ բանակային կորպուսի ռազմական գործողությունների նկարագրությունը / ©mil.ru

Ավելի վաղ ռուսական Պաշտպանության նախարարությունը գաղտնազերծել էր փաստաթղթեր, որոնցում նկարագրվում են Ղրիմի թերակղզու համար մղված մարտերի տարբեր դրվագներ:

Մեկ տարի առաջ ՊՆ-ը գաղտնազերծել էր փաստաթղթեր Յուրի Գագարինի թռիչքի վերաբերյալ: Դրանցում, մասնավորապես, բացակայում էր պատմության առաջին տիեզերագնացի ծառայողական բնութագիրը:

Ամենաընթերցվածը

2 րոպե
Խմբագրություն

Անհետ կորած ադրբեջանցի զինծառայողների ծնողները Հայաստանի վարչապետ Նիկոլ Փաշինյանից խնդրում են օգնել իրենց զավակներին գտնելու հարցում, քանի որ Ադրբեջանում ոչ ոք իրենց խնդրանքներին չի արձագանքում:

2 րոպե
Խմբագրություն

Թուրքական հատուկ ծառայությունների մասնակցությամբ Սիրիայի հյուսիսում վարձկաններ են հավաքագրվում` Ուկրաինա տեղափոխվելու նպատակով: Նշվում է, որ հավաքագրումն իրականացվում է նույն սկզբունքով, ինչպես Լիբիայի և Արցախի համար էր արվում. վարձկաններին կրկին խոստանում են 2000 դոլար վճարել:

3 րոպե
Խմբագրություն

Համերգը տեղի է ունեցել 1915թ. ապրիլին: Մասնակցել են Օսմանյան կայսրության ներքին գործերի նախարար Թալեաթ փաշան, մշակույթի և կրթության նախարար Համդուլա Թանրովերնը: Վերջինի խոսքով` «Անատոլիայի որդին երկար տարիների աշխատանքից հետո հայկական երաժշտությանը թևեր է տվել»:

2 րոպե
Խմբագրություն

Անհետ կորած ադրբեջանցի զինծառայողների ծնողները Հայաստանի վարչապետ Նիկոլ Փաշինյանից խնդրում են օգնել իրենց զավակներին գտնելու հարցում, քանի որ Ադրբեջանում ոչ ոք իրենց խնդրանքներին չի արձագանքում:

2 րոպե
Խմբագրություն

Թուրքական հատուկ ծառայությունների մասնակցությամբ Սիրիայի հյուսիսում վարձկաններ են հավաքագրվում` Ուկրաինա տեղափոխվելու նպատակով: Նշվում է, որ հավաքագրումն իրականացվում է նույն սկզբունքով, ինչպես Լիբիայի և Արցախի համար էր արվում. վարձկաններին կրկին խոստանում են 2000 դոլար վճարել:

3 րոպե
Խմբագրություն

Համերգը տեղի է ունեցել 1915թ. ապրիլին: Մասնակցել են Օսմանյան կայսրության ներքին գործերի նախարար Թալեաթ փաշան, մշակույթի և կրթության նախարար Համդուլա Թանրովերնը: Վերջինի խոսքով` «Անատոլիայի որդին երկար տարիների աշխատանքից հետո հայկական երաժշտությանը թևեր է տվել»:

2 րոպե
Խմբագրություն

Գերիների շահերի ներկայացուցիչ Սիրանուշ Սահակյանի խոսքով` մոտ 200 գերիների վերադարձման դիմաց առաջ քաշված պայմաններն են` ՀՀ զինված ուժերի դուրսբերումն Արցախի տարածքից, Տիգրանաշենի հանձնումը, Կարմիր Շուկա ավտոճանապարհի նկատմամբ վերահսկողությունը:

1 րոպե
Խմբագրություն

Հաղորդվում է, որ Արցախում մնալու են միայն այն ստորաբաժանումները, որոնք կազմված են տեղի բնակիչներից: Հայաստանի ժամկետային զինծառայողներին այլևս ծառայության չեն ուղարկելու Արցախ:

2 րոպե
Խմբագրություն

Նշվում է, որ զինտեխնիկայի տեղափոխման նպատակը Հայաստանի Սյունիքի մարզում գործողություններն են: Իրանական աղբյուրը շեշտում է, որ լայնամասշտաբ պատերազմը կանխելու նպատակով անհրաժեշտ է իրանական զինուժն անհապաղ տեղակայել հայ-նախիջևանյան սահմանի երկայնքով:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.