Intel-ը սկսել է օգտագործել հայկական krisp-ի տեխնոլոգիան
Krisp հավելվածը նախատեսված է զանգերի ժամանակ շրջապատի աղմուկի մեկուսացման ու զանգի որակի բարելավման համար։ Այժմ Intel-ը նույնպես կօգտագործի այդպիսի տեխնոլոգիա:
Intel ընկերությունն իր թվիթերյան էջում հրապարակում է տարածել՝ հայտնելով աղմուկի նվազեցման տեխնոլոգիայի կիրառման մեկնարկի մասին: Այս հարցում ընկերությունը սկսել է համագործակցել հայկական krisp ստարտափի հեղինակների հետ:
Հաղորդվում է, որ դեռևս մինչև krisp-ի պաշտոնական թողարկումը, նրա հեղինակների կողմից ստեղծված աղմուկը նվազեցնող հավելվածը ներբեռնվել է ավելի քան 40 հազար անգամ՝ 600 ծրագրերի, այդ թվում և՝ խաղերի, պոդքաստների և կոնֆերանսների ձայնագրման համար:
Krisp հավելվածը նախատեսված է զանգերի ժամանակ շրջապատի աղմուկի մեկուսացման ու հեռահաղորդակցության որակի բարելավման համար։ Բազմամարդ միջավայրում զանգահարելուց առաջ անհրաժեշտ է ակտիվացնել Krisp-ը. շրջապատի աղմուկը զանգին չի խոչընդոտի։
Մեկնաբանությունները