Չինաստանում տարածված համաճարակը հանգեցրել է երկրում ազոտի երկօքսիդի արտանետումների նվազեցմանը: Դրա կոնցենտրացիան ՉԺՀ-ի տարբեր շրջաններում ներկայումս 10-30%-ով ավելի ցածր է, քան նախորդ տարիների հունվար-փետրվար ամիսներին:
Ազոտի երկօքսիդի նվազումը Չինաստանի տարածքում: Ձախ կողմում՝ NO2-ը՝ հունվարի 1-20-ը, աջ կողմում՝ փետրվարի 1-25-ը / © NASA
2020թ. հունվար-փետրվար ամիսներին արված արբանյակային լուսանկարները ցույց են տալիս, որ Չինաստանի տարածքում NO2 ազոտի երկօքսիդի արտանետումների մակարդակը զգալիորեն նվազել է: Այդ նյութի արտանետումների ծավալի նվազումը նախ արձանագրվել է Յուհան քաղաքում և նրա մերձակայքում, ապա տարածվել է ամբողջ երկրով:
NASA-յի աշխատակիցների կարծիքով՝ նման իրավիճակը «որոշակիորեն կապ ունի» կորոնավիրուսի համաճարակի պատճառով սկզիբ առած տնտեսական ճգնաժամային իրավիճակի հետ: Օդատիեզերական գործակալության օդի որակի ուղղությամբ մասնագետ Ֆեյ Լյուն նշել է, որ առաջին անգամ է ականատես լինում հսկայական տարածքի վրա հստակ իրադրությամբ պայմանավորված կտրուկ անկմանը: Գիտնականի խոսքով՝ արտանետումների նման կտրուկ անկում գրանցվել է նաև 2008թ. տնտեսական ճգնաժամի և Պեկինի Օլիմպիական խաղերի ժամանակ, բայց երկու դեպքում էլ բավականին դանդաղ է եղել և ոչ այսքան խորությամբ:
Ազոտի երկօքսիդի կոնցենտրացիայի փոփոխությունը մթնոլորտում համընկել է նաև լուսնային օրացույցի Նոր տարվա տոնակատարության հետ, երբ Չինաստանում և Ասիայի մեծ մասում բազմաթիվ արտադրամասեր դադարեցնում են աշխատանքները: Սակայն 2020թ. հունվար-փետրվար ամսիներին NO2-ի մակարդակը Չինաստանի տարբեր շրջաններում 10-30 տոկոսով ցածր էր, քան նախորդ տարիների նույն ժամանակահատվածում:
NO2-ը մեծ քանակությամբ ձևավորվում է ներքին այրման շարժիչների աշխատանքի հետևանքով, ինչպես նաև արդյունաբերական ձեռնարկությունների գործունեության արդյունքում (հատկապես քիմիական): Այդ նյութը, բաց թողնվելով մթնոլորտ, հանգեցնում է թթվային անձրևների: Ազոտի երկօքսիդը ջրի փոխազդեցությամբ վերածվում է ազոտաթթվի (կոռոզիոն հզոր գործակալ): Բացի այդ, NO2-ն առաջացնում է շնչուղիների լորձաթաղանթի գրգռում և նվազեցնում է արյան մեջ հեմոգլոբինի քանակությունը:
Ավելի վաղ հաղորդվել է, որ Չինաստանում ռոբոտ է ստեղծվել՝ կորոնավիրուսով հիվանդներին հայտնաբերելու համար, իսկ Tesla ընկերությունը համաճարակի պատճառով դադարեցրել է վերջերս Շանհայում բացված գործարանի աշխատանքները:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…