Հայաստանում 9 հոգի կորոնավիրուսի թեստավորում են անցնում. (upd.) — Շեշտ.am (shesht.am)
4 րոպե
Խմբագրություն

Հայաստանում 9 հոգի կորոնավիրուսի թեստավորում են անցնում. (upd.)

Վերջին օրերին կորոնավիրուսի հայտնաբերման թեստավորում է անցել 120 մարդ: Նրանցից մեկի մոտ է Covid-19-ը հայտնաբերվել: Հասարակությունը սպասում է 9 հոգու թեստի արդյունքներին:

Գոլդեն Փելիս հյուրանոցը՝ Ծաղկաձորում / ©B24

Կորոնավիրուսի կանխարգելման հանձնաժողովի մարտի 2-ի նիստում ՀՀ վարչապետ Նիկոլ Փաշինյանը եզրափակիչ ելույթում նշեց, որ ներկայումս 9 քաղաքացի անցնում է կորոնավիրուսի թեստավորում: Նրա խոսքով՝ մինչ այդ թեստավորում անցած քաղաքացիների մոտ կորոնավիրուս չի հայտնաբերվել:

Ամփոփում եմ կորոնավիրուսի տարածումը կանխարգելող աշխատանքները համակարգող հանձնաժողովի նիստը։

Ամփոփում եմ կորոնավիրուսի տարածումը կանխարգելող աշխատանքները համակարգող հանձնաժողովի նիստը։

Опубликовано Nikol Pashinyan / Նիկոլ Փաշինյան Воскресенье, 1 марта 2020 г.

Վարչապետն ընդգծել է, որ հույս ունի՝ այդ 9 հոգու մոտ էլ կորոնավիրուս չի հայտնաբերվի, բայց եթե հայտնաբերվի, ապա խուճապի կարիք չկա: Նրա խոսքով՝ նախորդ օրը 3-4 կասկածելի դեպք է եղել, որոնց դեպքում թեստավորումը բացասական արդյունք է ցույց տվել:

Նիկոլ Փաշինյանը նշել է, որ թեստավորումն անցկացվում է 2 փուլով, և կորոնավիրուսի առկայությունը հաստատված է համարվում վերջին թեստի արդյունքներով:

Քանի դեռ հայ հասարակությունը սպասում է 9 հոգու հետազոտության արդյունքներին, Առողջապահության նախարար Արսեն Թորոսյանն իր գրառմամբ խոստացել է տեղեկացնել արդյունքների մասին: Նրա խոսքով՝ նախորդ օրերին նույն մեթոդով հետազոտվել է ընդհանուր առմամբ 120 մարդ:

‼️Վարչապետի մատնանշած կորոնավիրուսով 9 կասկածելի դեպքի վերաբերյալ, ինչպես վերջում ավելացրեցի, նորից կրկնեմ.նրանք…

Опубликовано Arsen Torosyan Понедельник, 2 марта 2020 г.

Հիշեցնենք՝ փետրվարի 29-ի լույս մարտի 1-ի գիշերը Հայաստանում գրանցվել է կորոնավիրուսով վարակվածության առաջին դեպքը:

UPD. Առողջապահության նախարարը Վարչապետ Նիկոլ Փաշինյանին զեկուցել է, որ կորոնավիրուսի թեստավորում անցնող 9 քաղաքացիների մոտ վարակվածությունը չի հաստատվել. նրանք ուղղակի մրսած են և կորոնավիրուսով վարակված չեն.

9 թեսթերի պատասխանները ստացվել են. կորոնավիրուս չի հայտնաբերվել:

Опубликовано Nikol Pashinyan / Նիկոլ Փաշինյան Понедельник, 2 марта 2020 г.

Վարչապետը նաև հայտնել է, որ վարակված 1 քաղաքացին իրեն լավ է զգում, գանգատներ չունի: Նա նույնիսկ բուժում չի ստանում:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.