Ադրբեջանական կողմը, փաստացի, փակել է Իրանից, Պարսից ծոցից դեպի Վրաստան ու Սև ծով գնացող հիմնական ճանապարհը: Իրանական աղբյուրում խոսում են իրենց քաղաքացիների ու բեռնատարների անվտանգության ապահովման անհրաժեշտության մասին:
Իրանական լրատվական հարթակներում անդրադարձել են Հայաստանի Հանրապետության տարածքում ռազմավարական նշանակության Գորիս-Կապան ավտոճանապարհի փակմանը: Հիշեցնենք, որ նախորդ օրն ադրբեջանական ուժերը փակել էին միջպետական ճանապարհի այդ հատվածը, որը, վերջին տվյալներով, դեռ բաց չէ:
Մասնավորապես, իրանական կողմից հաղորդում են, որ ճանապարհը փակելու հետևանքով շրջափակման մեջ են հայտնվել իրանական ավելի քան 40 բեռնատար ու մարդատար մեքենաներ: Դրանք ժամեր անց դուրս են բերվել շրջափակումից, սակայն իրանական տասնյակ այլ մեքենաներ նույնպես չեն կարողացել շարունակել ընթացքը (ավելի ուշ վարորդներին ուղղորդել են շարժվել վերանորոգման ընթացքում գտնվող շրջանցող ճանապարհով, խմբ.):
Իրանական աղբյուրն ուշադրություն է հրավիրում այն հանգամանքի վրա, որ ադրբեջանական կողմը, փաստացի, փակել է Իրանից, Պարսից ծոցից դեպի Վրաստան ու Սև ծով գնացող հիմնական ճանապարհը, որից գլխավորապես իրանական բեռնատարներն են օգտվում` հայկականներից բացի:
Դժգոհելով ադրբեջանական կողմի նման պահվածքից` իրանական աղբյուրը շեշտում է, որ Նախիջևանն Ադրբեջանին կապող ճանապարհն Իրանը չի փակել` «չնայած այդ թշնամական և նվաստացուցիչ գործողությանը»:
Նշվում է, որ Իրանը պետք է մտածի իր քաղաքացիների և տարանցիկ ուղիների պաշտպանության մասին, քանի որ երկրի սահմաններն ու առևտրային գործընթացները վտանգված են: Ենթադրություն կա, որ հայկական տարածքով իրականացվող փոխադրումներին խոչընդոտելու հետևանքով կարող է դոլարի արժեքը բարձրանալ` վնասելով իրանական տնտեսությանը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…