Արցախի նախագահի խորհրդական Դավիթ Բաբայանը հայտարարել է, որ Քարվաճառի շրջանով անցնող ճանապարհը նոյեմբերի 15-ից չի փակվելու. այն կաշխատի դեռևս ինչ-որ ժամանակ: Բերձոր քաղաքի վերաբերյալ հարցին ի պատասխան՝ Բաբայանը նշել է, որ այն հայկական է մնալու, քաղաքով է իրականացվելու կապը ՀՀ-ի և Արցախի միջև, քաղաքից տարհանում չի կատարվելու:
Արցախի նախագահի խոսքով՝ ռուսական կողմը 3 տարվա ընթացքում Բերձոր-Ստեփանակերտ նոր ճանապարհ է կառուցելու՝ շրջանցելով Շուշին: Բերձորը, Բաբայանի հաղորդմամբ, մնալու է Արցախի Հանրապետության կազմում:
Տեղի ունեցածի պատճառների վերաբերյալ հարցին Դավիթ Բաբայանը պատասխանել է, որ մեղավորին դրսում չպետք է փնտրենք. «Մենք ենք հիմնական մեղավորը»: Նրա խոսքով՝ քանի դեռ հայը հայի վրա ձեռք է բարձրացնում, Ստեփանակերտից գողություն է կատարում, ատելության մթնոլորտ է, խնդրի լուծում հնարավոր չէ: Բաբայանը ստեղծված իրավիճակից դուրս գալու համար անհրաժեշտ է համարել ունենալ սրտացավ ղեկավարություն, ովքեր Հայաստանն ու Արցախի փրկված հատվածը դուրս կբերեն ծանր կացությունից:
Հիշեցնենք՝ նոյեմբերի 9-ին Հայաստանի վարչապետի, Ռուսաստանի և Ադրբեջանի նախագահների միջև ստորագրվել է հայտարարություն, ըստ որի հրադադար է հաստատվել, Արցախում տեղակայվում են խաղաղապահ ուժեր, իսկ նոյեմբերի 15-ից Քարվաճառի, նոյեմբերի 20-ից՝ Աղդամի, դեկտեմբերի 1-ից Լաչինի շրջանները վերադարձվում են Ադրբեջանին: Լաչինի միջանցքը՝ 5 կմ լայնությամբ, մնում է ռուս խաղաղապահների վերահսկողության ներքո:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…