Հայաստանի տարածքում ռուսական ուղղաթիռի խոցման մեղավորներին դատելու փոխարեն` Բաքուն ՌԴ քաղաքացի Էդուարդ Դուբակովին մեղադրանք է առաջադրել «ահաբեկչություն, ահաբեկչության ֆինանսավորում», «հանցավոր համայնքին մասնակցություն» և «Ադրբեջանի պետական սահմանի ապօրինի հատում» հոդվածներով։
Դուբակովի դատավարությունը / © Trend
Ադրբեջանական լրատվամիջոցներից հայտնի է դարձել, որ Բաքվի ծանր հանցագործությունների դատարանում մեկնարկել է Ռուսաստանի քաղաքացու քրեական գործով դատավարությունը։ Էդուարդ Դուբակովին մեղադրանք է առաջադրվել Ադրբեջանի Քրեական օրենսգրքի «ահաբեկչություն, ահաբեկչության ֆինանսավորում», «հանցավոր համայնքին մասնակցություն» և «Ադրբեջանի պետական սահմանի ապօրինի հատում» հոդվածներով։
Հիշեցնենք, որ մինչ օրս Ադրբեջանում «չեն հայտնաբերվել» Հայաստանի տարածքում Նախիջևանի կողմից արձակված հրթիռից ռուսական ուղղաթիռի խոցման և երկու օդաչուների մահվան մեղավորները: Սակայն Բաքվի իշխանությունները դրա փոխարեն շարունակում են իրենց հայրենիքը պաշտպանող հայ զինծառայողների դատավարությունները:
Ավելի վաղ Բաքվի դատարանը 20 տարվա ազատազրկման էր դատապարտել Արցախում գերեվարված լիբանանահայ Վիգեն Եվլեկչեչյանին։ Բացի նրանից` Բաքվի ծանր հանցագործությունների դատարանը, ինչպես հաղորդվում է, դատում է ավելի քան ևս մեկ տասնյակ հայերի։ Ադրբեջանական իշխանությունները նրանց ներկայացնում են որպես «ձերբակալվածներ», այլ ոչ թե` ռազմագերիներ:
Հիշեցնենք նաև, որ Ալիևը թուրք գործընկերոջ ու նրա կնոջ ներկայությամբ հայտարարել էր մեծ թվով հայ գերիների պահման մասին, որոնք, նրա խոստովանությամբ, պահվում են հայկական կողմից ցանկալի զիջումների հասնելու համար, այդ թվում` ականապատ դաշտերի քարտեզների:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…