Արցախի աշխատանքի, սոցիալական և բնակարանային հարցերի նախարար Մանե Թանդիլյանը հայտնել է, որ իրենց բնակարանները կորցրած մոտ 40 հազար արցախցիների համար անհրաժեշտ է 8-10 հազար նոր բնակարան:
Արցախի աշխատանքի, սոցիալական և բնակարանային հարցերի նախարար Մանե Թանդիլյանը հայտնել է, որ իրենց բնակարանները կորցրած մոտ 40 հազար արցախցիների համար անհրաժեշտ է 8-10 հազար նոր բնակարան: Նրա խոսքով՝ ներկայումս քննարկվում է ռուսական կողմի աջակցությամբ 7-8 հազար տուն կառուցելու հարցը:
Նորանշանակ նախարարը նշել է, որ մինչև բնակարաններով ապահովելը՝ ժամանակավոր լուծումներ են տրվում՝ քաղաքացիներին տեղավորելով Ստեփանակերտի հյուրանոցներում, տուն-ինտերնատում և այլ կառույցներում: Թանդիլյանը հիշեցրել է, որ Հայաստանում արցախցիներին հյուրընկալած ընտանիքները կստանան ամսական 30 հազար դրամ աջակցություն՝ մեկ անձի հաշվարկով, իսկ Արցախում հյուրընկալելու դեպքում՝ 45 հազար դրամ:
Մանե Թանդիլյանն ընդգծել է, որ ուշադրության կենտրոնում են ձմեռային պայմանների հետ կապված խնդիրները. տրամադրվում են տաք հագուստներ ու պարագաներ, փոխհատուցվում են կոմունալ ծախսերը:
Նախարարը նշել է, որ արցախցիների աջակցության մի շարք ծրագրեր են մշակվել և առաջիկայում նորերն են նախատեսվում: Մասնավորապես՝ խոսքը միանվագ 68 հազար և 15 հազար դրամի, ադրբեջանական վերահսկողության տակ անցած բնակավայրերի բնակիչներին՝ 300 հազար դրամի չափով, 250 հազար դրամ այն արցախցիներին, ում բնակարանը պատերազմի հետևանքով վնասվել է և այլն:
Մանե Թանդիլյանը շեշտել է, որ բոլոր արցախցիները ստանալու են օրենքով սահմանված իրենց հասանելիք աջակցությունը: Նա տեղեկացրել է, որ գումարների տրամադրումը կիրականացվի ամենաուշը մինչև դեկտեմբերի վերջ: Ներկայումս մի շարք ծրագրերի մասով ընթանում են հայտերի ընդունման և ճշգրտման գործընթացները:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…