Հայերն առաջին հնգյակում չեն. հրապարակվել է ՌԴ աշխատելու մեկնածների թիվը

Ռուսաստանի Անվտանգության դաշնային ծառայության (ԱԴԾ) Սահմանապահ ծառայությունը 20 տարվա մեջ առաջին անգամ հրապարակել է 2019թ. սկզբից դեպի աշխատելու համար Ռուսաստան մեկնողներ օտարերկրացիների քանակի վիճակագրական տվյալները:

2019թ. առաջին կիսամյակում ՌԴ է մեկնել ընդհանուր առմամբ 15 մլն օտարերկրացի: Ընդ որում՝ նրանցից 2,4 մլն-ը պաշտոնապես է հայտարարել, որ Ռուսաստան է մեկնել՝ աշխատելու համար:

Արտագնա աշխատանքի նպատակով Ուզբեկստանից Ռուսաստան է տեղափոխվել 918 հազար մարդ: Երկրորդ հորիզոնականում Տաջիկստանի քաղաքացիներն են` 524 հազար, իսկ երրորդում՝ Ղրղզստանից մեկնածները՝ 265 հազար: Առաջին հնգյակը եզրափակում են Ուկրաինան՝ 164,6 հազար, և Ղազախստանը՝ 105,3:

Ռուսաստանում աշխատելու համար այդ երկիր է մեկնել Չինաստանի 50 հազար քաղաքացի, Գերմանիայի՝ 10 հազար 8 հարյուր, Թուրքիայի 10,2 հազար և Իտալիայից 9,5 հազար քաղաքացի:

Մոսկվայի պետական համալսարանի Տնտեսագիտական ֆակուլտետի Ազգաբնակչության էկոնոմիկայի լաբորատորիայի վարիչ Օլգա Չուդինովսկիխի կարծիքով՝ վիճակագրությունը կարող է չներկայացնել միգրացիայի ամբողջական պատկերը, քանի որ ԱԴԾ-ն հաշվի է առնում մուտքերն ու ելքերը, մինչև մեկ անձը քարող է մի քանի անգամ մեկնել-ժամանել:

Միաժամանակ, ԱԴԾ տվյալներն էականորեն տարբերվում են Ռոսստատ-ի (Պետական վիճակագրական դաշնային ծառայության) տվյալներից: Օրինակ՝ 2018թ. ուժային կառույցները հաշվառել են 32 մլն ժամանում Ռուսաստան, մինչդեռ Ռոսստատ-ում արձանագրված է ընդամենը 4,9 մլն-ը: