Սևանա լիճն ամենաշատն է տուժել, հարցականի տակ է հայտնվել նրա՝ որպես լիճ մնալու հանգամանքը։
Տիգրան Ավինյան, կանաչած Սևանա լիճ / ©24News.am
Հայաստանի փոխվարչապետ Տիգրան Ավինյանը կայուն զարգացման նպատակների իրականացման համատեքստում «կլիմայի էկոնոմիկայում» ներդրումներին և էներգետիկ արդյունավետությանը նվիրված համաժողովի ժամանակ հանդես է եկել ելույթով։
Փոխվարչապետը Նյու-Յորքում՝ ՄԱԿ-ի կենտրոնակայանում հայտարարել է, որ կլիմայական փոփոխությունները սպառնում են Սևանա լճին։
Ավինյանը նշել է, որ Հայաստանում այդ փոփոխությունների մասին նախկինում չեն մտածել, ինչի հետևանքով հարվածն ընկել է երկրի սրտի վրա։ Սևանա լիճն ամենաշատն է տուժել, հարցականի տակ է հայտնվել նրա՝ որպես լիճ մնալու հանգամանքը։
Տիգրան Ավինյանը միջազգային գործընկերների ուշադրությունն է հրավիրել այն բանի վրա, որ շրջակա միջավայրի վրա կլիմայական փոփոխություններն անդառնալի հետևանքներ են ունենում։ Կառավարության անդամը ներկայացրել է ՀՀ իշխանությունների կողմից իրականացվող աշխատանքների մասին։
Փոխվարչապետն ընդգծել է, որ խնդրի լուծման տարբերակներից մեկը լճի մակարդակի բարձրացումն է, ինչի ուղղությամբ ներկայումս աշխատանքներ է իրականացնում կառավարությունը։
Աղբյուրի հաղորդմամբ, ՀՀ նախագահին առընթեր Սևանի հարցերով զբաղվող հանձնաժողովն ավելի վաղ նշել էր, որ նախատեսվում է մինչև 2030թ․ Սևանա լճի մակարդակը բարձրացնել 6 մետրով։ Սա ենթադրում է 42 մլրդ խմ ջրի ավելացում, ինչը ռազմավարական նշանակություն ունի երկրի համար։
Հավելենք, որ ՀՀ փոխվարչապետ Տիգրան Ավինյանը ԵԱՏՄ-ում ՀՀ նախագահության շրջանակներում բանախոսությամբ է հանդես եկել նաև էներգետիկ արդյունավետության, նորարարությունների և շրջակա միջավայրի պահպանման թեմայով կլոր սեղան-քննարկմանը։
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…