Շները կպաշտպանեն այլմոլորակայիններից. մեմն աշխատել է

Օրեր առաջ ամերիկյան Oklahoma City Animal Welfare կենդանիների կացարանի ղեկավարությունը Facebook-ում հրապարակել էր ալյումինե շապիկներով շների նկարներ:

Նախաձեռնողներն օգտատերերին առաջարկել էին սեպտեմբերի 20-ին «Գոտի 51» ռազմաբազայի վրա հարձակվելու փոխարեն գրոհել կացարանը` շներին իրենց տուն տանելով: Ալյումինե շապիկների շնորհիվ կացարանի շներն իրենց նոր տերերին «պաշտպանելու էին» բազայի այլմոլորակայիններից:

«Գրոհեք մեր կացարանը. մեր հիանալի կենդանիները պատրաստ են ձեզ պաշտպանել «Գոտի 51»-ի այլմոլորակայիններից» հրապարակումը մեծ ճանաչում է ձեռք բերել: Այն նկատել են Reddit-ում, ուր մեծ աջակցություն է ստացել: Այս պատմության մասին խոսել են նաև այլ խոշոր լրատվականներ:

Կացարանի այս նախաձեռնության հեղինակ Նատալի Վինֆրին պատմել է, որ շների համար տերեր գտնելու համար միշտ է փորձել օգտագործել մեմեր, սակայն նրա հրապարակումները տարածում չեն ստացել: Սա լավագույնն էր: Դրանով հեղինակը ցանկացել է հասարակության ուշադրությունը գրավել իր նպատակի վրա և կաթնասուններին նոր տներ ուղարկել:

Մեկ օրվա ընթացքում 22 շուն նոր բնակարան է տեղափոխվել, ինչը մեծ ձեռքբերում է:

Վինֆրին նշել է, որ մյուս շրջանների բնակիչները ևս կարող են աջակցել իրենց նախաձեռնությանը`այցելելով մոտակա կացարան: Նա լիահույս է, որ իր հրապարակմամբ ոգևորված սոցցանցերի օգտատերերը ոգևորված են իր հրապարակմամբ և շներին իրենց մոտակայքի կացարաններից կվերցնեն: Նախաձեռնողները շնորհակալություն են հայտնել #StormTheShelter հեշթեգի աջակցության համար:

Կացարանի անձնակազմը կազմակերպել է նաև հանգանակություն` հավաքելով ավելի քան 2,5 հազար դոլար: Նախաձեռնությունն ամեն օր հրապարակում է կենդանիների և նրանց նոր տերերի նկարները: