Ալեն Սիմոնյանի եղբայր Կառլեն Սիմոնյանի ղեկավարած «ԵվրոԱսֆալտ» ՓԲԸ-ն է շահել Ապարան համայնքի ներհամայնքային ճանապարհներն ասֆալտապատելու մրցույթը և պայմանագիր է կնքել համայնքապետարանի հետ:
«Հետք»-ը ուսումնասիրություն է իրականացրել և պարզել, որ Ապարանի ներհամայնքային ճանապարհների ասֆալտապատման գործընթացում ներգրավված է Ազգային ժողովի նախագահի կրտսեր եղբայրը:
Մասնավորապես նշվում է, որ Ալեն Սիմոնյանի եղբայր Կառլեն Սիմոնյանի ղեկավարած «ԵվրոԱսֆալտ» ՓԲԸ-ն է շահել համայնքի ներհամայնքային ճանապարհներն ասֆալտապատելու մրցույթը և պայմանագիր է կնքել համայնքապետարանի հետ:
Ինչպես հաղորդում է, մրցույթին մասնակցել է 5 ընկերություն, սակայն ամենամատչելի տարբերակն առաջարկել է «ԵվրոԱսֆալտ» ՓԲԸ-ն՝ 239 մլն դրամ: Ապարանի համայնքապետ Կարեն Եղիազարյանը գլխավոր տնօրեն Կառլեն Սիմոնյանի հետ կնքել է 287 մլն դրամի պայմանագիր (ներառյալ ԱԱՀ-ն):
Պարզվել է նաև, որ մրցութային փաստաթղթերը հրապարակող armeps.am կայքում պայմանագրի ստորագրման օր է նշված սեպտեմբերի 19-ը, սակայն փաստաթուղթը թվագրված է օգոստոսի 19-ով:
Ըստ armeps.am-ի՝ «ԵվրոԱսֆալտ» ՓԲԸ-ն ևս մեկ պայմանագիր կնքվել է դեռևս հունիսի 17-ին՝ Տարածքային կառավարման և ենթակառուցվածքների նախարարության հետ: Այդ պայմանագրով պետք է իրականացվեին Հոռոմ-Արթիկ-Ալագյազ հանրապետական նշանակության ճանապարհի մի մասի միջին նորոգման աշխատանքները: Այս դեպքում գինը կազմել է 368 մլն դրամ (ներառյալ՝ հարկերը):
«Հետք»-ի տեղեկություններով՝ 2020 թ. մարտի 18-ին հիմնադրված «ԵվրոԱսֆալտ» ընկերությունը 16 անգամ հայտ է ներկայացնել ՏԿԵՆ-ի, Արթիկի, Աշտարակի և Ապարանի համայնքապետարանների հայտարարած մրցույթներին, որոնք բոլորն էլ վերաբերել են ճանապարհների վերանորոգմանը: 16 հայտից միայն 4-ն են դրական գնահատվել, մյուսները մերժվել են: Դրական գնահատվածներից 2-ի դեպքում է ընկերությունը հաղթող ճանաչվել:
«ԵվրոԱսֆալտ» ՓԲԸ-ն, ինչպես հաղորդվում է, գրանցված է Երևանի Արտաշիսյան փողոցում: ԱԺ նախագահի եղբայրը գլխավոր տնօրեն է դարձել 2020թ. հուլիսին: Մինչ այդ՝ 4 ամիս, ընկերությունը ղեկավարել է մոսկվացի Տիգրան Խաչիկի Հարությունյանը: ՓԲԸ-ի կանոնադրական կապիտալը 50 հազար դրամ է, 90%-ի բաժնետերը երևանցի Սվետլաննա Կամոյի Պողոսյանն է, իսկ 10%-ինը՝ Ռուսաստանի Նովոսիբիրսկ քաղաքի բնակիչ Լուսիկ Շահենի Գևորգյանը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…