Թուրքիան ռազմատեխնիկա է կուտակում Իրանի հետ սահմանին

Տելեգրամյան ալիքներում տեղեկություններ են հրապարակվել, ըստ որոնց՝ թուրքական կողմը ռազմական տեխնիկա ու զինծառայողներ է տեղակայում Իրանի հետ սահմանին: Համարվում է, որ Անկարան սրանով պատասխանում է Ադրբեջանի հետ սահմանին՝ Արաքս գետի երկայնքով իրանական ԻՀՊԿ-ի և բանակի ստորաբաժանումների կուտակումներին ու զորավարժություններին:

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

Ընդհանուր առմամբ՝ թուրք-իրանական լարվածությունը տարածաշրջանում նոր թափ է հավաքում: Ադրբեջանաիրանական՝ նախորդ օրերի հակամարտությունն այսօր արդեն փոխարինվել է թուրքական ներգրավմամբ, ինչը մեծ ոգևորություն է առաջացրել սոցցանցերի ադրբեջանական տիրույթում: